Забава

Се вжешти атмосферата во Рио, море од бои ги красат разголените тела (видео+фото)

Рио де Женеиро овие денови е окупиран од море бои и разголени тела. Нормално, станува збор за карневалот кои се одржува во Рио од 9 до 13 февруари.

Главниот дел на карневалот, кој организаторите го нарекуваат “најголемата претстава на светот“ почна синоќа во Самбодром, каде повеќе од 72.000 гледачи до раните утрински часови ги посматраа богатите декорирани платформи кои вибрираа со заглушувачка музика.

Дефилето не е само голема шарена претстава туку и жестоко натпреварување во кое 13 училишта за самба се оценуваат по многу конкретни критериуми, како што е квалитетот на музика, квалитетот на платформите или по тоа дали е одбрана добра тематика. Седум училишта настапија ноќеска, а шест ќе настапат вечер.

Едногодишната работа на училиштата се оценува во нешто помалку од еден час настап на парадата.

Едно училиште за своја тема ја избра Кина, неколку од нив репродуцираа познати слики, додека некои имаа футуристичка декорација.

Иако карневалот се доживува како краток одмор од секојдневните проблеми, училиштата за самба исто така го користат да пренесат политичка порака.

Една од главните мети оваа година е градоначалникот на Рио, Марсело Кривеља, кој предизвика големи критики поради тоа што ги преполови субвенциите за училиштата за самба.

Некои сметаат дека градоначалникот, поранешен евангелистички пастор, сака да го расипе фестивалот поради своите верски убедувања.

Петдневниот карневал претставува една од главните атракции на Рио де Женеиро.

Живот

Бернар Арно прв на листата на најбогати луѓе во светот, Маск на третото место

Францускиот бизнисмен Бернар Арно, кој има контролен пакет акции во холдингот „LVMH“, водечки светски производител на луксузна облека, е на првото место на ранг листата на најбогати луѓе во светот.

Според објавената листа на милијардери на Блумберг, богатството на Арно изнесува 215 милијарди долари и од почетокот на годината е зголемено за седум милијарди долари.

На второ место е основачот и поранешен извршен директор на „Амазон“, Џеф Безос, чие богатство се проценува на 198 милијарди долари.

Основачот на „Тесла“ и „Спејс Икс“, Илон Маск е на трето место со 194 милијарди долари.

Меѓу десетте најбогати луѓе во светот се и основачот на „Мета“ платформата Марк Цукерберг (153 милијарди долари), основачот на „Мајкрософт“, Бил Гејтс (149 милијарди долари), коосновачите на „Гугл“ и „Алфабет“, Лери Пејџ (146 милијарди долари) и Сергеј Брин (138 милијарди долари), поранешен генерал. По нив следат директорот на „Мајкрософт“, Стив Балмер (130 милијарди долари), американскиот инвеститор и филантроп Ворен Бафет (132 милијарди долари) и основачот и претседател на корпорацијата „Оракл“, Лери Елисон (129 милијарди долари).

Фудбал

Модриќ и Начо се изедначија со Бензема и Марсело по бројот на трофеите со Реал Мадрид

Лука Модриќ и Начо се изедначија за најмногу трофеи во историјата на Реал Мадрид со клупските легенди Карим Бензема и Марсело. Хрватскиот играч за врска и шпанскиот дефанзивец синоќа го освоија 25-от триумф во Примера.

Даниел Карвахал веќе има 24 награди со тимот на „кралевите“, а тој, Модриќ и Начо имаат шанса да додадат уште еден вреден трофеј пред крајот на сезоната. Во среда на стадионот „Сантијаго Бернабеу“ претстои полуфиналниот реванш во Лигата на шампионите со Баерн Минхен, откако „белиот балет“ ремизираше 2:2 на првиот меч во Баварија. Друга славна личност во белиот дрес - Тони Крос - има 22 трофеи.

Самиот Модриќ уште еднаш испиша историја за Мадрид со тоа што стана најстариот играч за „Лос Бланкос“ во лигашки натпревар во победата од 3-0 над Кадиз со 38 години и 238 дена, со што го надмина претходниот рекорд на Ференц Пушкаш од 38 години и 233 дена.

На социјалните мрежи кружи уште еден љубопитен факт за хрватската легенда на Реал - на 27 години го напушти Тотенхем со 0 трофеи во колекцијата, додека сега, 12 години подоцна, веќе има 25 со Мадрид.

Македонија

Мицкоски: Христовото Воскресение е многу значаен ден, да се обединиме, да се сплотиме..

Христовото Воскресение е многу значаен ден, да се обединиме, да се сплотиме како народ и како нација.

Ќе ми дозволите да го честитам на сите православни христијани овој голем ден, значаен дел, Христовото Воскресение. И да им посакам хармонија, спокој, ним и на нивните семејства.

Истото сакам да го посакам на сите граѓани во Македонија, насекаде во светот без разлика на верската припадност.

За нас православните христијани Христовото Воскресение е многу значаен ден и во име на тоа дозволете денеска да уживаме во мирот, во спокојот.

И да се обединиме, да се сплотиме бидејќи како народ и како нација тоа ни е потребно во деновите, месеците, и годините кои што следат.

Христијан Мицкоски, претседател на ВМРО-ДПМНЕ

Центар за комуникации на ВМРО-ДПМНЕ