Култура

Се распаѓа објектот на МНТ – дали конечно државата ќе преземе нешто?

Наместо да биде симбол на скопската култура, МНТ со години тоне во запуштеност. Барокните декорации и црвените теписи не успеваат да ја маскираат поразителната слика во театарот.

Распаднатите плафони од кои при секој дожд тече вода која се собира во кофи и испуканите ѕидови полни со влага ја извадија на површина несоодветната изведба на објектот уште при неговата градба во 2014тата година..

Во овој објект кој од далеку изгледа како гламурозен дом на културата, не ретко се случува публиката да биде пречекана со кофи кои собираат вода од прокапениот покрив.

Сликата не е поразлична ни од надвор. Стиропорната ограда се распаѓа, фасадата е испукана на повеќе места и околината е полна со одпадоци.Ликот на Петре Прличко кој е симбол на МНТ и чија скулптура е направена така што се поклонува кон театарот со сигурност би се засрамил од оваа глетка.

Срамна е глетката вели и министерот за култура Зоран Љутков кој денеска направи обиколка низ театарот заедно со в.д директорот Никола Кимовски. Според Љутков претходната Влада со тенденција го држела МНТ во очај. Тој вели дека театарот во минатото имал продукциски буџет и до 20 милиони денари, а сега буџетот изнесувал само 4 милиони, што според него претставува инвестиционо уништување, за што најави дека ќе бара одговорност од надлежните институции. Љутков вети дека ќе се заложи околу санација на објектот, а приоритет вели ќе е застаклување на терасите преку кои течела водата.

- Сум шокиран во однос на тоа дека оваа ситуација со овој распаднат театар можам да кажам слободно трае веќе 7 8 години иако се знаеле позициите дека некаде капе некаде тече некаде има проблем иако имало во текот на годините обезбедувано средства за поправки и преправки тоа не се случило. Со еден проект во кој што би се затвориле тие неколку клучни точки и тоа и не е некоја претерана сума. Вие можете да ги затворите терасите, да ги застаклите и да го забраните дотокот на вода, поголемата инвестиција е штетата што е предизвикана од тоа што не било интервенирано на време.

И Кимовски прстот за лошата состојба на МНТ го впери во претходната Власт. Според него за санација на штети од ваков обем, за кои сеуште работат на утврдување на точната сума, потребен би бил подолг временски период.

- Во претходните 7 години буквално овој театар го нема посетено ниту еден министер за култура за жал, не знам од кои причини. Знаеме дека имало некои средства кои што би ни помогнале и би ни биле од важност но едноставно овој голем театар е оставен бавно но сигурно да пропаѓа.

Состобата е очајна и во останатите театри и културни институции- вели Љутков. Според него воопшто не се водела грижа ниту за сценската опрема, светлата, видео бимовите..Во однос на реконструкцијата на Универзална сала, тој кажа веќе неколку работни групи работеле на слулајот. Тој соопшти и дека на претходната Владина седница поминале законски измени со кои Министерството за култура покрај националните установи ќе може да гради и локални установи, а до крајот на месецот очекува измените да поминат и во Собранието.

Свет

28- годишниот Анас Саид планирал терористички напад во САД, сакал да ја повтори 2001.

ФБИ го уапсиле 28-годишниот Анас Саид од Тексас, кој е осомничен дека ја поддржувал ИСИС и планирал терористички напад во Америка како на 11 септември 2001 година, кога на американско тло беше извршен еден од најголемите напади на сите времиња.

Специјалниот агент на ФБИ Даглас Вилијамс рече: „Денес е голем ден. Успеавме сомнителен терорист да тргнеме од улиците на Хјустон“.

Саид наводно го планирал нападот од неговиот стан во Хјустон, а особено истражувал како да изврши терористички напад врз локални воени центри за регрутирање. Тоа ја потврдил сериозноста на неговите намери и потенцијалната опасност што ја претставува, објави Фокс Њуз.

Во соопштението од канцеларијата на ФБИ во Хјустон се нагласува успехот на операцијата.

- Запревме потенцијален терористички напад да се случи овде во Хјустон. Секој ден можеме да кажеме дека е добар ден. Ова апсење е важен чекор за одржување на безбедноста и мирот во заедницата.

Терористичкиот напад на кулите на Светскиот трговски центар во Њујорк и на зградата на Пентагон на 11 септември, според официјалните извештаи, го извршиле припадници на Ал Каеда во киднапирани патнички авиони. Деветнаесет членови на Ал Каеда упаднаа во кабините на четири патнички авиони и користејќи хартиени ножеви како оружје и ја презедоа контролата.

Трет авион киднапиран над Охајо се урна на западната страна на Пентагон, предизвикувајќи уривање на зградата. Четвртиот авион се упатил кон Вашингтон, но се урнал во поле во Пенсилванија откако патниците влегле во кабината и се бореле со киднаперите за преземање контрола.

Свет

Израелко- палестинска „војна“ во Париз, на натпреварот е и Макрон (ВИДЕО)

Франција и Израел вечерва на „Стад де Франс“ го играат натпреварот од 5. коло во Лигата на нации, а трибините на стадионот во Париз се полупразни поради францускиот протест против Израел.

Мнозинството Французи не сакале да дојдат на натпреварот во знак на протест што нивната репрезентација го пречека Израел на домашен терен. Малиот број навивачи собрани на трибините решија да ги нападнат Израелците.

Во текот на натпреварот Французите ги нападнаа израелските навивачи и на една од трибините настана тепачка. Инциденти имаше и пред самиот натпревар, додека пропалестинските активисти се обидоа да ги нападнат Израелците, но сѐ остана „само“ на нивна пресметка со полицијата.

Икс е полн со постови од француски навивачи кои велат дека е срамота што натпреварот со Израел се игра во Париз додека израелската армија врши геноцид во Газа. Присутните навивачи ја исвиркуваа химната на Израел пред почетокот на натпреварот.

Да потсетиме, неодамна имаше конфликт на улиците на Амстердам каде Макаби од Тел Авив гостуваше кај Ајакс. Марокански навивачи претепаа голем број израелски навивачи поради провокации на сметка на настаните во Газа.

Свет

Во огромна дупка се заробени 4.000 прегладнети рудари, министерката им се закани (ВИДЕО)

Во Јужна Африка се случува вистинска драма бидејќи според неофицијални проценки, речиси 4.000 нелегални рудари се заробени во еден рудник, а можностите за снабдување со храна и вода се прекинати.

Владата го прекина синџирот на снабдување за да ги „намами“ илегалците од рудникот и да ги уапси.

Владата официјално соопшти дека нема да има помош за овие рудари, кои се наоѓаат во затворен рудник во северозападната провинција, бидејќи тоа не е во согласност со официјалната политика против илегално ископување.

Се верува дека рударите во рудникот Стилфонтејн страдаат од недостиг на храна, вода и други основни потреби, откако полицијата ги затвори влезовите што се користат за транспорт на материјали во рудникот.

Министерката во Претседателството Кумбуџо Нтшавени им рече на новинарите дека владата нема да испрати помош за илегалните рудари - локално познати како „зама замас“ - бидејќи тие се вклучени во криминални активности.

„Нема да им испратиме помош на криминалците. Со чад ќе ги избркаат. Ќе излезат. Нема помош за криминалците, тие ќе бидат гонети. Не сме ние тие што ги испративме“, рече Нтшавхени.

Таа рече дека рударите ќе бидат кривично гонети.

„Не отидоа таму за добро за државата, па нема ни да им помогнеме“, рече министерката.

Нтшавхени им се закани и на оние кои сакаат да им помогнат на рударите.

„Тие што сакаат да им помогнат, мора да слезат да им однесат храна, но штом ќе излезат ќе ги уапсиме“, рече министерката.

Рударите се во окното во Стилфонтејн, рударски град кој се наоѓа на околу 155 километри југозападно од Јоханесбург. Во текот на изминатите неколку недели, повеќе од 1.000 рудари се појавија и веднаш беа уапсени од полицијата како дел од нивната операција „Вала Умгоди“ - или „Затвори ја дупката“.

Јужна Африка некогаш беше најголемиот светски производител на злато, но бележи пад во последните неколку децении. Голем број локации сега се напуштени и се распаѓаат. Илјадници нелегални рудари влегуваат во овие затворени рудници за да најдат повеќе злато и други минерали, ризикувајќи ги своите животи поради состојбата на овие рудници.

Минатата година, во јуни, најмалку 31 лице загина во затворен рудник во провинцијата Фри Стејт по експлозија на метан.

Многу нелегални рудари доаѓаат од соседните земји - Мозамбик, Зимбабве и Лесото.

Не само што го кршат законот со илегално ископување во рудници, туку често вршат и други кривични дела - вклучувајќи убиства, грабежи и силувања.

Има и војни на терен во кои се вклучени тешко вооружени „зама замас“ кои се борат против ривалските групи и често се борат против локалните власти.

притисни ентер