Здравје

Се појавија најскапите лекови на светот – една терапија чини над 2 милиона долари

Швајцарскиот производител Новартис во САД доби одобрение за својата генска терапија за лекување спинална мускулна атрофија .

Еднократниот третман со овој лек чини рекордни 2 125 000 долари. Агенцијата за храна и за лекови на САД вчера го одобри овој лек , наменет за деца со спинална атрофија и се помлади од две години.

Лекот може да го употребуваат и деца , кај кои нема симптоми на оваа болест , но има предиспозиции дека ќе се појави во наредните години. Спиналната мускулна атрофија е главна генетска причина за смрт кај децата.

Болеста често доведува до парализа , тешкотии со дишењето и смрт по само неколку месеци за бебето кое го има најтешкиот тип 1 на оваа болест.

Од спинална мускулна атрофија заболува едно од секои 10 000 новороденчиња , а од тоа 50 до 70 проценти има тип 1.

Високата цена на лекот во Новартис ја правдаат со тоа што еднократен третман со овој лек е поскап од долготраен третман што чини стотици илјади долари.

Терапијата користи вирус за да овозможи копија на генот за спинална мускулна атрофија кај бебињата родени со дефект на тој ген.

Фудбал

ПСЖ ќе му понуди нов договор на Донарума

Пари Сен-Жермен има намера да го продолжи договорот со голманот Џанлуиџи Донарума, пренесува новинарот Џанлука Ди Марцио.

Според изворот, парижаните ќе преговараат со 25-годишниот Италијанец по завршувањето на сезоната 2023/24. Управата на клубот сака да го направи голманот капитен на тимот.

Донарума игра за ПСЖ од јули 2021 година. Во сезоната 2023/24 Донарума учествуваше на 40 натпревари во сите натпреварувања, прими 36 гола и ја зачува мрежата чиста 16 пати.

Актуелниот договор на голманот со францускиот клуб е со важност до крајот на јуни 2026 година.

Свет

Скај Њуз: Кина го хакирала платниот систем на британското Министерство за одбрана

Британскиот портал Скај њуз денеска објави дека кинеската влада извршила неколку кибер напади врз платниот систем на британското Министерство за одбрана, кој содржи приватни информации за воениот персонал.

Членовите на Долниот дом на британскиот Парламент денеска ќе бидат информирани за овој инцидент.

Пратеникот на Конзервативната партија Тобијас Елвуд изјави дека Кина „најверојатно бара финансиски слабости“ кај воениот персонал за да натера некои припадници да соработуваат со Кина во замена за пари.

„На потешкиот начин учиме како уметноста на војување брзо се менува со напредокот на технологијата. Одбраната на дигиталниот терен сега е исто толку важна како и одбраната на физичкиот. Доколку овој вид на кибер напад се случува во Велика Британија, можеме да претпоставиме дека ќе бидат нападнати и други земји-членки на НАТО“, рече Елвуд.

Истрагата на Министерството за одбрана досега не покажала дека се украдени некои податоци.

Свет

Катовице: Во салата каде попладнево ќе заседава полската влада пронајден апарат за прислушување

Во салата во седиштето на Шлезискиот регион во Катовице, пред попладневната седница на чешката влада, откриен е и демонтиран апарат за прислушување, соопшти портпаролот на министерот координатор на полските безбедносни служби, Јацек Добжињски.

Службата за државна безбедност и Агенцијата за внатрешна безбедност ја демонтирале направата и покрената е истрага за тоа кој ја поставил.

Полската влада попладнево ќе одржи вонредна седница во Катовице бидејќи премиерот Доналд Туск и претседателката на Европската комисија Урсула фон дер Лајен се главни гости на меѓународниот економски форум во тој град на југот на Полска.

Владата нема „чувствителни“ теми на дневниот ред на денешната седница, најавено е дека ќе одлучува за помош на граѓаните за плаќање на енергетски производи и предлогот за Законот за дигитални комуникации со кој во полските закони се воведува кодот на Европската унија во таа област.

притисни ентер