Македонија

СДСМ со критики за потрошувачката кошничка на владата

Една недела по отпочнувањето на „Новогодишната кошничка“ министерот Дурмиши тврди дека мерката се почитува и оти граѓаните се задоволни од неа. 

Вели Државниот пазарен инспекторат е постојано на терен и оти досега не пристигнала ниту една поплака од граѓаните за непочитување на мерката од страна на трговците. Заштедата кај едно четиричлено семејство според него ќе биде повисока од есенската кошничка која според пресметките била околу 1.300 денари. Тврди дека расте бројот на трговци сакаат да бидат вклучени во оваа владина мерка.

„ДПИ секој ден е на терен, гледаме дали ја почитуваат нивната мерка која сами ја нудеа производителите, дистрибутерите и трговците. Се виде дека се почитува и е применлива, овие први денови гледаме дека граѓаните се задоволни од оваа мерка која беше иницијатива на трговците. Јас и до крајот на мерката не верувам дека ќе има злоупотреба или изигрување на цените затоа што тоа самите трговци, производители и дистрибутери ја нудеа мерката“, вели Дурмиши во интервју за РСЕ.

Од опозициската СДСМ пак ја обвинуваат Власта дека направила измама со Новогодишната кошничка. Тврдат дека направиле обиколка низ маркетите, по што констатирале дека нема ефект од истата, бидејќи трговците ги зголемиле цените пред мерката да стапи во сила.

„Реалноста во маркетите и продавниците којашто граѓаните ја гледаат секој ден е дека цените не само што останаа високи, туку кај некои производи и дополнително се зголемија. Цената на зејтинот сега е 97 денари, а на 1 октомври се продаваше за 83 денари. Значи имаме зголемување а не намалување. Јајцата кои се продаваа од 75 до 85 денари сега се над 100 денари. Од 107 до 140 денари. Исто така покачување на цените. Ова е реалноста, ова се фактите кои јасно ја покажуваат измамама која со кошничката им ја приреди власта на граѓаните“, вели Лолита Ристова, член на ИО на СДСМ.

Владината мерка „Новогодишна кошничка“ стартуваше минатиот викенд и ќе трае до 15 јануари. А како што веќе најавија и од Владата и од Министерството за економија мерката ќе продолжи и понатаму, односно ќе има и велигденска и рамазанска кошничка во март и април догодина.

Живот

Каде живеат највисоките луѓе на светот?!

Универзитетот Оксфорд анализирал податоци кои ја открија земјата во која живеат просечно највисоките мажи и жени.

Луѓето од овие држави се највисоки.

Универзитетот Оксфорд анализирал податоци кои ја открија земјата во која живеат просечно највисоките мажи и жени.

Турција е дом на највисокиот човек на светот - Султан Косен, кој е висок два метри и 51 сантиметар. Но, таму живее и највисоката жена Румејша Гелги, висока два метри и 16 сантиметри.

Според последните податоци анализирани од Универзитетот Оксфорд, Холандија се издвојува како земја со највисока популација во светот, со просечна висина од 183 см за мажи и 170 см за жени. Од друга страна, Обединетото Кралство се наоѓа на 38-то место на глобалната листа, со просечна висина од 177 см за мажи и 164 см за жени.

Овие податоци укажуваат на значителни разлики во просечната висина помеѓу различни земји, што може да биде резултат на комбинација на генетски фактори, исхрана и општата здравствена состојба на населението.

Листата на земји со највисики луѓе во просек:

1. Холандија со просечна висина од 183,6 cm за мажи и 170,4 cm за жени

2. Црна Гора со просечна висина од 183,3 cm за мажи и 170,0 cm за жени.

3. Естонија со просечна висина од 182,8 cm за мажи и 168,7 cm за жени.

4. Данска со просечна висина од 181,9 cm за мажи и 169,5 cm за жени.

5. Исланд со просечна висина од 182,1 cm за мажи и 168,9 cm за жени.

6. Летонија со просечна висина од 181,2 cm за мажи и 168,8 cm за жени.

7. Босна и Херцеговина со просечна висина од 182,5 cm за мажи и 167,5 cm за жени.

8. Чешка со просечна висина од 181,2 cm за мажи и 168,0 cm за жени.

9. Србија со просечна висина од 180,7 cm за мажи и 168,3 cm за жени.

10. Литванија со просечна висина од 180,7 cm за мажи и 167,6 cm за жени

Овие податоци даваат увид во антропометриските карактеристики на популациите ширум светот и можат да бидат корисни во области како што се јавното здравје, ергономијата и дизајнот на производи прилагодени на различни пазари, пренесува Ona.

Листата открива дека многу од земјите со најголема популација се во Северна и Источна Европа.

Фудбал

Ливерпул подобар од Тотенхем во дерби со девет голови

По двете последователни ремија, фудбалерите на Ливерпул вечерва се вратија на победничките патеки и го совладаа Тотенхем во Лондон со 6-3 во дерби натпреварот од 17 коло во Премиер лигата.

Дијаз (23, 85) и Салах (54, 610 беа двојни стрелци за Ливерпул, а прецизни во редовите на актуелниот лидер беа и Мекалистер (36), Собослаи (45+1).

Мадисон (41), Кулушевски (72) и Соланке (83) ги постигнаа головите за Тотенхем.

Ливерпул води на табелата со 39 бодови, четири повеќе и натпревар помалку од второпласираниот Челзи.

Тотенхем со осмиот пораз сезонава остана на 11 место со 23 бодови.

Забава

Видео: Кој е познатиот личен телохранител на Меси?

Еден од најдобрите фудбалери на сите времиња, аргентинскиот волшебник Лионел Меси ужива во посебни безбедносни мерки откако е член на американскиот Интер од Мајами.

Неговиот личен телохранител Јасин Чеуко стана познат по својата посветеност и вештини во заштитата на славниот фудбалер.

Инаку, Јасин Чеуко е поранешен припадник на американската армија, со искуство во мисии во Ирак и Авганистан. Покрај воената кариера, тој е експерт и за боречки вештини, вклучувајќи бокс и теквондо. Неговата физичка подготвеност и боречки вештини го прават идеален за улогата на личен телохранител.

Чеуко е ангажиран да ги штити Меси и неговото семејство во секое време. Неговата посветеност оди дотаму што го придружува Меси дури и за време на натпреварите, следејќи го покрај линијата за да реагира брзо во случај на упад на навивачите или други потенцијални закани. Оваа практика стана вообичаена откако Меси дојде во Интер Мајами.

Поради постојаното присуство со Меси и забележителните интервенции, Чеуко стекна голема популарност на социјалните мрежи, со стотици илјади следбеници. Неговата посветеност на работата и импресивните вештини дополнително ја зголемија неговата популарност.

Јасин Чеуко стана незаменлив дел од тимот на Меси во Соединетите Американски Држави, обезбедувајќи му безбедност и овозможувајќи му да се фокусира на играта, додека неговото присуство дополнително ја зголемува популарноста на фудбалот во регионот.

притисни ентер