Македонија

СДСМ: Граѓаните се смирени и не подлегнуваат на очајните обиди на ВМРО-ДПМНЕ да шири неоснована паника за вирусот

Реакција на прес-конференцијата на Марија Андоновска од ВМРО-ДПМНЕ

Сите институции на државата се ставени во функција за справување со Ковид – 19 вирусот. Министерството за здравство и Институтот за јавно здравје се во постојана мобилизираност и со посветеност ги следат информациите и потенцијалните опасности од вирусот.

Ситуацијата е под контрола, институциите се подготвени за брза реакција и ги преземат сите неопходни мерки согласно меѓународните протоколи.

Најдобрата помош што може да ја даде ВМРО-ДПМНЕ е да престане да шири и предизвикува неоснован страв и паника меѓу граѓаните.

Партијата на Христијан Мицкоски никогаш не знаела како да се справува со кризни ситуации, а сега кога целиот човечки и институционален капацитет е ставен во функција на заштита на здравјето на граѓаните, ВМРО-ДПМНЕ во очај и безидејност пласира лажни информации преку кои се обидува да создаде неоснована паника меѓу граѓаните.

.Ако ВМРО-ДПМНЕ сака да покаже конструктивност и вистинска грижа за здравјето на нашите граѓани, , тогаш нека престане да измислува лаги со кои ги вознемирува граѓаните.

Граѓаните да не подлегнуваат на очајните обиди на ВМРО-ДПМНЕ да шири неоснована паника за вирусот и да ги почитуваат препораките на Министерството за здравство, да се однесуваат одговорно и да не шират дефетизам и паника.

Центар за комуникации со јавноста на СДСМ

Свет

Во Појасот Газа за еден ден загинале 83 луѓе

Според Министерството за здравство во Газа во изминатите 24 часа при израелските напади во Појасот Газа загинале 83 луѓе.

Во војната помеѓу Израел и Хамас вкупно загинале 35.386 луѓе

Од почетокот на војната на 7 октомври минатата година повредени се 79.366 лица.

Најголемиот број од жртвите се деца и жени. /МИА

Македонија

Кривична против градоначалник за незаконско располагање со буџетски средства за време на избори

Пријавениот извршил нередовни исплати на еднократна парична помош на 38 физички лица во вкупен износ од 195 000 денари.

СВР Струмица, до Основното јавно обвинителство Гевгелија, поднесе кривична пријава против градоначалник на една општина поради постоење основи на сомнение за сторено кривично дело „противзаконито располагање со буџетски средства за време на избори" по член 165-в од Кривичниот законик.

Како што информира МВР, пријавениот извршил нередовни исплати на еднократна парична помош на 38 физички лица во вкупен износ од 195 000 денари согласно програмата за мерките и активностите на општината во областа на социјална заштита од буџетски средства за 2019 година.

Пријавениот ги извршил исплатите на 15.02.2019, 18.03.2019 и 12.04 2019, односно во период кога се распишани Претседателските избори 2019 година, со што постапил спротивно на член 8-а став 1 алинеја 2 од Изборниот Законик и член 34 став 1 алинеја 2 од Законот за спречување на корупција и судир на интереси. /МИА

Фудбал

Реал и Модриќ постигнаа договор за продолжување на договорот

Лука Модриќ и Тони Крос најверојатно ќе останат во Реал Мадрид.

Претходно се дозна дека клубот е подготвен да ја продолжи соработката со овие играчи.

Според „Марка“, претседателот на Реал Мадрид, Флорентино Перез, во последните часови имал средби со Модриќ и Крос. Мадриѓаните веќе постигнаа начелен договор со хрватскиот играч за врска за продолжување на договорот. Ја прифати новата улога во тимот - Лука сезонава поретко се појавува во стартниот состав.

Што се однесува до Крос, клубот сè уште не постигнал договор со него. Но и Германецот е блиску до продолжување на договорот за една сезона./МИА