Ракометот е единствениот спорт кој во моментов во земјава генерира реални успеси, она што го направи Вардар докажа дека спортот може навистина да ги обедини луѓето, вели Анастасовски.
Невозможно е политиката да не сака да го присвои успехот, не можам да разберам зошто има поделби на ваков подвиг, тоа дефинитивно го спласна интензитетот на поводот за прославата, смета Бишевац.
Апели до навивачките групи во вакви моменти не поминуваат, според мене МВР требаше да инсистира на состанок со раководството на Комити и да ги предупреди дека со едно излегување надвор од колосек следува кривична пријава, вели Бишевац.
Вчера имавме јавен собир кој наспрема спортските настани подлежи кон други законски норми, во вакви ситуации треба да заигра репресивниот дел кога состојбата ќе ескалира, додава Анастасовски.
После менувањето на уставното име ЕУ нема никаков друг аргумент за нашиот пат кон европското семејство, но факт е дека големите политички држави кои моментално се пречка не реагираат на емоција туку се водат исклучиво од сопствените интереси, дециден е Бишевац.
Триесет години ни беше затворана вратата кон ЕУ, сега е клучно да се напомене дека тој пат е добро позициониран, но има уште многу работа околу реформите, особено поглавјето 24, вели Анастасовски.
Погледнете ја целосно вечерашната емисија „Само вистина“ овде.