Здравје

Руски доктор открива шок информации

Еве како обичната сода-бикарбона се однесува во нашето тело

Професорот Иван Павлович Неумвакин напишал книга за оваа намирница.

Дали обичната сода-бикарбона е нешто што може да ги одржува вашите заби блескави, да служи за чистење во кујната и бањата и да го смири вашиот стомак?

Професорот Иван Павлович Неумивакин, познат руски лекар, во својата книга „Сода - Митови и реалност“ препорачува редовно консумирање на сода бикарбона со цел да се алкализира телото. Истакнува дека содата бикарбона е корисна за луѓето кои страдаат од зголемена киселост на организмот поради внесување на отрови преку исхраната и водата, и тврди дека земањето сода бикарбона со млеко може да го алкализира организмот.

И покрај препораките на професорот, многу научници веруваат дека оваа теорија е опасна по здравјето. Постојат контроверзии околу препорачаното внесување на сода бикарбона, а многумина веруваат дека таквиот пристап може да има негативни последици за организмот.

Алкализација на телото и здравјето

Алкализацијата на телото е тема што предизвикува многу дебати во медицинските кругови. Некои експерти истакнуваат дека одржувањето на оптимално ниво на pH во телото е од суштинско значење за здравјето, додека други ја оспоруваат ефикасноста на методите за оваа намена, како што е земањето сода бикарбона.

Исто така, страницата за проверка на факти, Snopes, направи своја анализа и изјави дека никогаш не е научно докажано дека обичната сода бикарбона може да го алкализира телото.

– Единствената pH вредност во вашето тело која може да ја промените со исхраната е pH вредноста на вашата урина – навеле во истражувањето.

Уште во 2016 година, списанието Liverscience пишуваше за научниците од Универзитетот во Јута кои зборуваа за ризиците од консумирањето на сода бикарбона и верувањето дека може да ја регулира pH вредноста на телото.

„Консумирањето премногу сода бикарбона може да доведе до здравствени проблеми како што се перфориран желудник, висок крвен притисок поради преоптоварување со натриум и можни камења во бубрезите поради производство на вишок калциум во урината“, додаваат тие.

За што не се препорачува сода бикарбона?

За кожата. Најголемиот орган на телото е благо кисел. Ова му помага да ја задржи влагата и да ги држи штетните бактерии надвор од вашето тело. Но, ако имате чувствителна кожа, содата бикарбона веројатно е лош избор за вас.

За косата. Некои луѓе го прескокнуваат шампонот и користат мешавина од сода бикарбона и јаболков оцет за косата. Со тек на време, ова ќе го влоши изгледот и квалитетот на вашата коса. Како и кожата на главата (скалпот), косата е природно кисела. Содата бикарбона на почетокот може да помогне вашата коса да заблеска, но со тек на време ќе предизвика сушење и плеткање на косата, пишува Webmd.

Живот

Скандал на свадба: Невеста избега од олтарот, откако ѝ шепнаа нешто (ВИДЕО)

Свадбите секогаш будат силни емоции, а кај невестата и младоженецот тоа особено се истакнува кога ќе дојдат на свадбениот олтар.

Често се случува да се запрашаат дали донеле правилна одлука, објави Курир.

Меѓутоа, една невеста не се сомневала и побегнала непосредно пред да го каже судбоносното да на својот избраник. Овој момент го уловија и камерите, а сѐ заврши на интернет.

@fashionpulis Video courtesy of @Sam YG #biggestweddingoftheyear #FashionPULIS #blinditem #labubu #dimond #diamonds #billionaire #traveltiktok #philippinestiktok #tiktokphilippines🇵🇭 #kimsdiary #ifern #richardmille #rolex #audemarspiguet ♬ original sound - Fashion PULIS

Сè изгледа идилично, младоженецот и невестата застанаа еден до друг, се гледаа заљубено и беа подготвени да ги кажат своите завети. Меѓутоа, во еден момент на невестата ѝ пришла девојка, веројатно нејзината кума и нешто ѝ шепнала. Следуваше драма. Невестата бесно истрчала од салата и никој не можел да ја стигне.

Таа само го погледна младоженецот, му го даде бидермаерот и исчезна во солзи.

Судејќи по коментарите под видеото, станува збор за наводна реклама, некои велат дека сѐ е инсценирано, а има и такви кои напишале дека биле во слична ситуација или дека виделе како невестата или младоженецот се предомислиле на последен момент.

Свет

Претседателот на Кина повторно предупредува: Никој не може да го запре обединувањето со Тајван

На последниот ден од 2024 година, кинескиот претседател Си Џинпинг уште еднаш предупреди дека „никој не може да го спречи повторното обединување на Кина со Тајван“.

Во својот новогодишен говор, Си Џинпинг испрати јасна порака до сите кои се борат за независност на Тајван на и надвор од островот со 23 милиони жители, кој официјален Пекинг го смета за дел од својата територија, објави Ројтерс.

Во текот на изминатата година, Пекинг го засили воениот притисок во близина на Тајван, испраќајќи воени бродови и авиони во водите и воздушниот простор околу островот речиси секојдневно, во она што тајванските власти го гледаат како постепен обид за „нормализирање“ на военото присуство на Кина.

Кина го смета Тајван, каде владее западна форма на демократија, за своја територија. Сепак, тајванската влада ги отфрла тврдењата на Пекинг и посочува дека само народот на Тајван може да одлучи за нивната иднина и дека Пекинг мора да го почитува нивниот избор.

„Луѓето од двете страни на Тајванскиот теснец се едно семејство. Никој не може да ги раскине нашите семејни врски и никој не може да го запре историскиот тренд на национално обединување“, рече Си Џинпинг во говорот што го емитуваше кинеската државна телевизија CCTV.

Во минатогодишниот новогодишен говор, кинескиот претседател изјави дека „повторното обединување“ на Кина со Тајван е неизбежно и дека луѓето од двете страни треба да бидат обединети со заедничка цел и да ја споделат славата на обновувањето на кинеската нација.

Тензиите во регионот се зголемија откако Лаи Чинг-те, кого Пекинг го смета за сепаратист, стана нов претседател на Тајван во мај.

На почетокот на овој месец, Кина воведе поморска блокада на Тајван, откако Лаи застана на Хаваите и американската островска територија Гуам за време на турнејата во Пацификот што Пекинг силно ја критикуваше.

Кина, која никогаш не ја отфрли можноста за употреба на сила за да го стави Тајван под своја контрола, одржа две рунди воени вежби околу островот оваа година, велејќи дека тие се предупредување против „сепаратистичките потези“ и вети дека ќе преземе дополнителни чекори доколку е потребно.

Шоу биз

Се ожени братот на Анџелина Џоли, актерката не дојде на свадбата (ВИДЕО)

Братот на Анџелина Џоли, Џејмс Хевен, во тајност се ожени со Роми Ибели, ѕвезда на американското реално шоу The Real L Word.

Роми ја откри веста објавувајќи фотографии и видеа од венчавката која се одржала на 12 август во Калифорнија.

„Во 2024 година се омажив за мојот најдобар пријател, со кого сум 23 години. Деталите за нашата приказна се премногу лични и комплицирани за да ги споделам сега, но сите ги пишувам во мојата книга. Денот на нашата венчавка беше интимен, само ние и нашите родители додека си разменивме завети, планираме поголема прослава подоцна“, напиша таа.

Потоа открила дека ден по венчавката се степале и по пет месеци плачење, помирување и размислување решиле да си ги решат проблемите.

„Се чувствувам подготвена да се вратам кај мојот сопруг и нашиот дом во Лос Анџелес. Сè што се случи во последните неколку месеци беше дел од поголем план. Секогаш ќе ја чувам 2024 година длабоко во моето срце. Животот е премногу краток. Живејте го “, напиша таа.

Се сети на нејзиниот покоен татко. "Верувам дека нѐ гледа од небото и ни се смешка. Џејми ме запроси на гробот на татко ми", додала таа.

Анџелина Џоли не беше присутна на свадбата на нејзиниот брат.

Иако порано привлекуваа големо внимание, особено поради нивниот бакнеж на Оскарите во 2000 година, Џејмс и Анџелина веќе не се толку блиски.

"Анџелина и Џејмс целосно се оддалечија. Тие беа неразделни и најдобри пријатели. Тој ѝ помагаше да ги воспитува децата и секогаш посветуваше многу време на семејството. Одеднаш, без посебна причина, престанаа да зборуваат и се оддалечија. Само тие знаат што навистина се случи“, изјави претходно извор близок до Анџелина.

Анџелина го донесе својот брат на Оскарите. Најголем шок доживеа на забавата на Vanity Fair која се одржа по доделувањето, каде Анџелина страсно го бакнуваше својот брат во уста, што камерите го уловија и го снимија за сите времиња. Но, тоа не беше прв пат да бидат снимени како разменуваат нежности на јавен настан, бидејќи слично се забавуваа на доделувањето на наградите Златен глобус претходно истата година.

"Тоа не беше француски бакнеж. Тоа беше нешто едноставно и убаво. Енџи требаше да замине во Мексико за да го заврши снимањето на Оригиналниот грев со Антонио Бандерас. Ѝ честитав на нејзиниот Оскар и ѝ дадов брз бакнеж во уста и од тоа стана голема работа“, изјави Џејмс за Daily Mail во 2007 година.

притисни ентер