Рецепти

Руска техника на фарбање јајца што го воодушеви светот

Како да ги исфарбате јајцата во боите на виножитото?

Се ближи Велигден и доколку сакате јајцата да ги вапсате на нов начин, пробајте го овој интересен руски метод. Постојат голем број начини за украсување на велигденските јајца, а ние ви ја пренесуваме идејата што се користи во Русија и со која се добиваат оригинални велигденски јајца во различни бои. Колку повеќе бои ќе изберете, толку пошарени и поубави ќе бидат вашите „руски“ велигденски јајца, а можете да користите и само две бои.

За оваа метода на бојадисување потребни ви се кесички боја, ладна претходно зовриена вода, оцет, неколку салфетки, стапчиња за уши и онолку ластичиња колку што имате јајца.

Состојки:

јајца

зовриена, но изладена вода

различни бои во кесички

алкохолен оцет

стапчиња за уши

ластичиња за тегли

пластични чаши

салфетки

малку масло за премачкување

Подготовка:

Сварете ги јајцата и оставете ги целосно да се изладат. Одделете неколку пластични чаши и во секоја истурете по една кесичка од боите за јајца. Боите прелијте ги со лажица ладна вода и додадете една лажица ладен алкохолен оцет, па содржината измешајте ја убаво додека да се да се раствори бојата.

Секое јајце посебно завиткајте го во лист салфетка, ако се повеќеслојни, одвојте ги слоевите и употребете по еден за секое јајце. Одозгора врзете ги со ластиче. Потоа потопете ги стапчињата за уши во боите и исшарајте ги јајцата со нив, сè додека не добиете разнобојни и рамномерно обоени јајца. Оставете ги да се исушат 15 минути. После тоа, одвиткајте ја салфетката. На крај, кога целосно ќе се исушат, премачкајте ги јајцата со масло за да добијат сјај.

Регион

Претседателката на албанскиот Парламент, Линдита Никола, поднесе оставка од функцијата

Претседателката на албанскиот Парламент, Линдита Никола, доцна синоќа поднесе оставка од функцијата.

Таа самата ја соопшти веста додека зборуваше во Собранието, откривајќи дека причината за оваа оставка е поврзана со нејзината здравствена состојба.

- Почитувани колеги од парламентарното мнозинство и почитувани колеги од парламентарната опозиција. Овде денеска завршува мојот 3-годишен ангажман на чело на Собранието. Поради мојата здравствена состојба, не можам да ја извршувам високата должност на вториот државен функционер на државата, со потребната посветеност што ја повлекува оваа должност, рече Никола од собраниската говорница.

Секојдневно, додаде, се трудев да дадам се од себе за да се обезбеди непречено одвивање на работата во оваа сала.

- Ако некому сум оставила поинаков впечаток, го уверувам дека тоа не ми била намерата. Ако сум згрешила, не сакајќи, се извинувам. Кон сите го имам убавото чувство на почит што сите ми ја упатувате. Ви благодарам на сите, посочи таа.

Линдита Никола(59) е позната универзитетска професорка. Пред да биде избрана за парламентарец таа беше министерка за образование.

ЛОИ Париз 2024

Олимпиското знаме закачено наопаку на јарболот на свеченото отворање на Игрите во Париз

Олимпиското знаме беше обесено наопаку за време на отворањето на Игрите во 2024 година во Париз.

Знамето беше неправилно фиксирано на јарболот, поради што се издигаше со два прстени нагоре, а не со три, како во класичната верзија.

Покрај овој гаф, на отворањето на Олимпијадата, организаторот спортистите од Јужна Кореја по грешка ги претстави како натпреварувачи од Северна Кореја.

Свет

Јелен: Г-7 до октомври треба да договори 50 милијарди долари за Украина

 Министерката за финансии на САД, Џенет Јелен синоќа изјави дека „сѐ оди добро“ земјите од Г-7, групата на најразвиени демократии, да се договорат до октомври за условите за обезбедување 50 милијарди долари за Украина.

Средствата ќе бидат дадени како кредит од залогот на средствата на Русија замрзнати во меѓународните банки и финансиски институции.

Во изјава дадена на маргините на состанокот на министрите за финансии на Г-20 во Рио де Жанеиро, Бразил, Јелен рече дека „преговорите за кредитот биле конструктивни“, вклучувајќи ги и „барањата на САД да обезбедат гаранции дека средствата ќе останат замрзнати подолго време“.

- Имавме конструктивен разговор. Работиме заедно за да напредуваме по ова прашање. Мислам дека сѐ оди добро и дека ќе можеме да ја завршиме оваа работа, најверојатно до октомври, рече Јелен.

Кредитот од 50 милијарди долари, принципиелно договорен од лидерите на Г-7 во јуни, ќе биде обезбеден и ќе се враќа од приходите што доаѓаат од вложувањето на средствата на Централната банка на Русија во износ од околу 300 милијарди долари, замрзнати од Западот по инвазијата на Москва на Украина на почетокот на 2022 година.

притисни ентер