Русија соопшти дека повлекува дел од трупите на границата со Украина и објави видео снимка на конвој околопни возила како се враќаат во своите бази.
И додека руските тенкови се враќаа, нови тензии навести веста од руската Дума. Пратениците со огромно мнозинство ја изгласаа резолуцијата за признавање на независноста на двете самопрогласени украински региони Луганск и Доњецк, кои пред осум години без заземени од руските сепаратисти. Одлуката сега е во рацете на Путин, кој ќе треба да го потврди или отфрли ставот на Собранието. Киев жестоко реагира.
-Би сакал уште еднаш да потсетам на непроменливата позиција на Украина - доколку се донесе одлука за признавање, Русија де факто и де јуре ќе се повлече од договорите од Минск со сите придружни последици, изјави Дмитро Кулеба, министер за надворешнио работи на Украина.
Во дипломатска мисија во Москва пристигна германскиот канцелар Олаф Шолц, а на средбата со Путин се повтори минатонеделната слика како со францускиот колега Макрон. И Шолц, согласно протоколот, остана дистанциран на пет метри од домаќинот, откако и тој одбил да направи руски ПЦР тест, а се тестирал со тест на германската делегација во авионот.
-Се разбира, значителен дел од нашето време би посветиле на дискусија за прашањата за ситуацијата во Европа поврзани со безбедноста и дискусиите што сега толку жестоко се одвиваат по ова прашање, вклучително и во врска со настаните околу Украина, изјави Владимир Путин, претсеател на Русија.
Дел од западните сојузници и натаму сметаат дека руската инвазија е многу веројатна и со закана за пошироката стабилност на Европа.
-Ова, се плашам, нема да застане во Украина. Ова е и напад врз соседните земји на Русија и другите источноевропски земји во обидот да се поткопа нивниот легитимитетот да бидат дел од НАТО. , изјави Лиз Трас, министерка за надворешни работи на Британија.
Веста дека Москва повлекува дел од трупите околу Украиана предизвика пад на цената на нафтата за 2,5 проценти и сериозен скок на вредноста на рубљата.