Од помладите колеги посебно ги цени Мет Дејмон и Леонардо Ди Каприо - признава големото актерско име Роберт Де Ниро кој зад себе остави неповторливи остварувања.
Но и натаму ќе продолжи да снима и нема намера да оди во пензија, иако денеска наполни 70 години.
Де Ниро е роден во Њујорк, по потекло Италијанец.
Два пати доби Оскар - првиот во 1974 за младиот Вито Корлеоне во Кум 2, а потоа во1980 за главната улога во „Разбеснетиот бик“.
Во која улога и да е, Де Ниро го доловува ликот лесно и уверливо. Филмовите во кои игра тој се филмови кои вреди да се гледаат, а самиот Де Ниро внимателно одбира во кој филм ќе се појави.