Македонија

Ристовски: Дали ВМРО-ДПМНЕ и ЗНАМ прифатија укинување на 20 посто употреба на албанскиот јазик

Дали ВМРО-ДПМНЕ и ЗНАМ прифатија укинување на 20 посто употреба на албанскиот јазик и воведување двојазичност со што се гасне унитарниот карактер на Македонија

„Денеска сме во Куманово да испратиме уште една порака не само до Кумановчани но и до македонската јавност. Пред да го дадете својот глас и да ја положите својата доверба на 8 мај во среда сакам длабоко да размислите кому ќе ја дадете таа доверба. Барајте јасни, чисти, експлицитни ставови од сите политички субјекти за кои веќе вие сте размислувале дека треба да им го дадете својот глас и да ја положите својата доверба. Барајте јасен и експлицитен став што ќе се случи со Уставот на Македонија, барајте јасен и експлицитен став и од ВМРО-ДПМНЕ и од партијата ЗНАМ и од тие коалициски партнери кои веќе најавуваат дека ќе бидат партнери во власта и отворено говорат дека веќе е потпишан договор дека во рок од шест месеци ќе се промени македонскиот Устав согласно барањата на албанскиот екстремизам. Дали ВМРО-ДПМНЕ го прифаќа тој нивен став, дали ЗНАМ го прифаќа тој нивни став дека 20% јазикот треба да исчезне од Уставот, јазикот кој што го говорат малцинските етнички заедници, дали тие се согласни со тој став и дали веќе го имаат прифатено тој став, ако не треба јасно, јавно и експлицитно да одбијат на јавна сцена. Исто така треба да каже дали навистина е потпишан договор со албанскиот екстремизам од албанската опозиција дека Уставот мора да се смени во рок од шест месеци и тие јавно најавуваат дека веќе се имаат договорено и дури дека тие се гарантот дека Уставот ќе биде сменет во рок од шест месеци. Дали со ова се потврдуваат сите сомневања дека ВМРО-ДПМНЕ веќе има потпишано и се има согласено за промена на Уставот. Дали ВМРО-ДПМНЕ и партијата ЗНАМ се имаат согласено за укинување на одредбата од 20% од јазикот, дали тие добро знаат што тоа значи“, рече претседателот на ИНТЕГРА и носител на листата во ИЕ 2 на Коалицијата Храбро за Македонија од Куманово, Љупчо Ристовски.

Како професор на политички науки 20% јазик кој што го говори малцинска етничка заедница го нема во уставната одредба тоа значи дека веќе имате двојазична Македонија. Тоа значи дека веќе е згаснат унитарниот карактер на Македонија, дали членството кое гласаше и за ВМРО-ДПМНЕ и за ЗНАМ се свесни за овој факт и за овој момент? Оттука, пораката е дека мора секој од вас да размисли длабоко кому ќе ја даде довербата во среда на 8 мај. Ние како ИНТЕГРА македонска конзервативна партија како дел од Коалицијата Храбро за Македонија на ГРОМ, ИНТЕГРА и ПЦЕР имаме јасен, јавен и експлицитен став дека не смее да има ниту педа поместување од оската на којашто стои Уставот на Република Македонија, а тоа е државотворноста на македонскиот народ, унитарниот карактер на македонската држава и македонскиот народ да ја дефинира својата држава како круна на вековна борба за национална слобода и за своја држава. Оттука нашиот став е јасен дека не смее да има промена на Уставот по ниту едни уцени, закани и притисоци и потреба да се дојде на власт по секоја цена. Потребно е сите притисоци од екстремизмите од албанската опозиција да се стават на страна и да се пружи силен отпор во дадениов момент. Но гласачкото тело треба да се запраша дали тоа навистина така и ќе биде?

Ние како Коалиција Храбро за Македонија кажуваме дека целиот македонски идентитетски корпус по сите црвени линии на македонскиот национален интерес во татковината Македонија мора да бидат затворени еднаш засекогаш и тоа да биде оската на којашто ќе се движат преговорите со Европската Унија. Нашата историја е наш национален интерес и ние ја пишуваме. Македонскиот јазик е наш јазик којшто го говорат овде Македонците овде со векови наназад. И тука нема померување ниту милиметар. Илинденскиот период е една светла фаза од таа круна на вековната борба на македонскиот народ нашите Илинденци се исто така светлата точка и тие се нашиот крвен запис денес. Оттука на 8 мај ве повикуваме заокружете број 3, гласајте за Коалицијата Храбро за Македонија за ГРОМ ИНТЕГРА И ПЦЕР и нема да зажалите. Ние ќе бидеме вашиот бастион, одбрана, вашата совест во парламентот и нема да отстапиме ниту милиметар од промена на Уставот во тој сегмент, рече Ристовски.

Регион

Црногорски полуматуранти претерале со факелијада - го запалиле покривот на училиштето (ВИДЕО)

Матурантите од подгоричкото основно училиште „Владо Милиќ“ во Доња Горица го запалија покривот на таа образовна установа за време на прославата со факели, јавува порталот РТЦГ.

Директорката на училиштето Ивана Милиќ за ТВЦГ изјави дека околу 9 часот и 50 минути пред училиштето од канцеларијата забележала ученици со факели, пренесе Вијести.

„Излегов и се обидов да ги спречам, но тие фрлаа факели и успеав да ги избркам кон теренот каде што гореа гуми. Кога се свртев, видов дека покривот на училиштето гори и ги извести надлежните институции да реагираат“, рече Милиќ.

Таа рече дека факелијада традиционално се организира како и секоја година во секое училиште.

„Ние како училиште не можеме да го организираме. Би сакале да се слави на некој друг начин. Учениците ги купија приватно. Колку што знам, учествуваа сите ученици од деветто одделение“, додаде Милиќ.

Таа изјавила дека не очекувале факелот да падне на покривот на училиштето.

Се уште не се знае колкава штета е причинета на зградата на основното училиште во Доња Горица, пишува порталот.

„Веројатно ќе бидат санкционирани учениците од деветто одделение. Последен работен ден е, но се уште не ги добиле свидетелствата. Тие се уште се ученици на нашето училиште“, истакна Милиќ.

Таа изјавила дека нема повредени, и дека веднаш ги евакуирале учениците.

Според Здравко Блечиќ, в.д командир на Службата за заштита и спасување изгорел покривниот дел од зградата на првиот кат.

„Штетата е преголема, како што гледате тој дел од покривот ќе треба да се реконструира, но во секој случај најдобро и најважно е што вработените во училиштето ги евакуирале децата и се извлекле од опожарената зона на соодветен начин“, изјави тој за порталот Дан.

Според него, успешно го санирале пожарот во координација со директорот на училиштето и екипата.

Како што рече Блечиќ, пожарот бил локализиран за 10 минути, а сега се работи на санација.

На прашањето на порталот дали пожарот е предизвикан од палење факели, како што пренесуваат дел од црногорските медиуми, тој вели дека не можат да ја потврдат таа информација, но дека екипите на МВР се на терен за да истражат.

Автомобилизам

Астон Мартин сака да произведе Рамбо Ламбо

Lamborghini LM 002 можеби не беше комерцијален успех, но е запаметен како еден од најоригиналните теренци во историјата.

Секоја чест за Urus, но LM 002 беше и останува вистинска работа. Цврстиот SUV со изглед на Hummer и V12 Countach мотор е една од најлудите креации што светот ги видел. Во меѓувреме, луксузните теренци станаа реалност, но ниту еден не беше блиску до она што го претставуваше овој модел.

LM 002 одамна е заборавен, но не и идејата. Aston Martin наводно размислува за уште посериозен теренец. Би ја имал основата на теренецот DBX, но би бил незапирлив на земја. Развојот се одвива под кодното име Project Rambo, што јасно дава врска до претходно споменатиот Lambo.

Според достапните информации, овој модел ќе биде привремено достапен, во ограничена серија од 2500 примероци. Погонот би можел да се задржи во форма на 4.0 V8 твин турбо мотор, кој се нуди и во Г-класата, но кај DBX произведува над 700 КС. Има и шпекулации за plug-in хибридна опција, како GT63 S E Performance, која би го направила новиот Aston најмоќниот SUV во светот. И еден од најскапите.

Македонија

Османи со бројни билатерални средби во Стразбур

Министерот за надворешни работи во техничката влада, Бујар Османи денеска, на маргини на 133 сесија на Комитетот на министри на Советот на Европа во Стразбур, оствари бројни билатерални средби.

Министерот за надворешни работи во техничката влада, Бујар Османи денеска, на маргини на 133 сесија на Комитетот на министри на Советот на Европа во Стразбур, оствари бројни билатерални средби со хомолози од различни земји, имено со министрите за надворешни работи на Сојузна Република Германија, Република Австрија, Република Унгарија, Швајцарска Конфедерација, Република Малта, Република Словенија, Република Албанија, Република Молдавија, како и заменик министерот за надворешни работи на Република Турција.

Во фокус на одвоените средби на Османи со министрите на Германија, Австрија и Унгарија, Аналена Бербок, Александар Шаленберг и Петер Сијарто беше европското досие на земјата, при што Османи ги информираше соговорниците за активностите во однос на исполнувањето на реформската агенда и за успешно завршениот скрининг процес, притоа изразувајќи благодарност за конзистентната поддршка на процесот на интеграцијата на нашата земја во Европската унија.

Османи и министерот на Швајцарија, Игнацио Касис разговараа за билатералните односи на двете земји, заблагодарувајќи му се за континуираната поддршка за реформскиот процес на земјата.

На средбата со министерот на Малта, Иан Борг се направи осврт на билатералните односи, ставајќи го притоа акцентот на соработката во рамки на мултилатералните организации. Османи подвлече дека Македонија како дел од ОБСЕ Тројката очекува зајакнување на улогата и ефикасноста на ОБСЕ, како уникатна безбедносна организација и платформа за дијалог.

Теми на разговорите на Османи со колегите од Словенија, Албанија и Молдавија, Тања Фајон, Игли Хасани и Михај Попсоји како и заменик министерот за надворешни работи на Турција, Мехмет Кемал Бозај беа повеќе аспекти од билатералните односи и можностите за продлабочување на соработката. Се дискутираа и активностите на Македонија како земја претседавач со Процесот за соработка на Југоисточна Европа во врска со претстојниот министерски состанок како и начините за интензивирање регионалната соработка.

Министерство за надворешни работи

притисни ентер