Со неа, денеска не се слушнале ниту нејзините колеги од обвинителството, кои дури вчера разбрале и за нејзината намера да поднесе оставка.
Ленче Ристовска, која по подолг период се појави пред јавноста, даде изјава во име на нејзините колеги обвинители и истражителите, со главна порака евентуланите инкриминирачки дејствија на Јанева да не се поврзуваат со целокупната работа на Обвинителството. Обвинителите од СЈО очекуваат и нивната шефица да одговора доколку се утврди нејзина одговорност.
Меѓу обвинителите пристуни на прес-конференциата беше и обвинителката Лиле Стефанова која го води случајот Империја во кој првоосомничен е Орце Камчев, кој неофицијално е сведокот во истрагата против Боки 13.
Последниот развој на настаните и можнотот инволвирање на Јанева во случајот Рекет, уште синоќа ги разгневи и разочара верните поддржувачи на СЈО. Меѓу нив, и Павле Богоевски, кој пред да стане пратеник беше е ден од поддржувачите на Шарената револуција.
Тимот обвинители на Јанева тврди дека не се доведени во прашање истрагите и предметите влезени во судска постапка и покрај тоа што се утврдува евентуална вмешаност на нивната шефица во друг случај. Загрижени се за случувањата но покрај темелна истрага за случајот со рекетот, очекуваат и договор од политичките лидери околу иднината на обвинителството.