- Почна да ми недостога креативниот процес и сега се чувствувам подготвена - вели Рене Зелвегер која публиката најмногу ја познава по филмовите за Бриџит Џонс.
Објаснува дека во 2010 се повлекла бидејќи „правењето на филмови стана пренапорно“ во тој период од нејзиниот живот.
- Тогаш беше така поради начинот на кој го живеев мојот живот, и мислам дека не може да се работи во креативен медиум ако не сте благодарни за можноста да учествувате - изјави Рене во интервју за сепремвриското издание на „American Way for American Airlines“.
Изминатите 6 години Рене патуваше по светот и вели дека тоа и помогнало да се запознае себеси подобро. Беше во Камбоџа и во Тајланд, а отпатува и во Либерија со хуманитарната организација за еднаквост меѓу половите „The Great Initiative“.
Таа вели дека е добро да се скршне од зацртаниот пат, како што таа направила пред 6 години кога се редеа понуди за филмови, бидејќи на тој начин „ќе го запознаете подобро светот но и себе си“.
Зелвегер ќе се појави повторно во улога на Бриџит Џонс, во филмот „Бебето на Бриџит Џонс“, заедно со Колин Фирт и Патрик Демпси. Во стилот на Бриџит, нема да знае кој од нив двајца е татко на детето!
Новиот филм на Рене Зелвегер ќе се појави во кино салите на 16 септември.