Македонија

Ременски не чувствува вина за случајот „Рекет"

-Сакам да направам разграничување помеѓу случајот „Рекет" воден против тројцата осомничени и за случајот за кој обвинителството највува истрага во однос на делување на Меѓународниот сојуз, рече Ременски на излегување од Судот.

Пратеничката Фросина Ременски откако даде исказ во Кривичниот суд пред судија на претходна постапка за случајот „Рекет", во изјава за медиумите рече дека не чувствува вина и оти очекува Обвинителството да го докаже тоа што и го става на товар. Се додека не биде докажана вина со правосилно судско решение, вели, таа е невина.

– Сакам да направите разграничување помеѓу случајот „Рекет", воден против тројцата осомничени за кои денеска Обвинителството најавува истрага во однос на делување на Меѓународниот сојуз, рече Ременски на излегување од судот и додаде дека не чувствува вина.

На новинарско прашање како го коментира соопштението од Јавното обвинителство во кое стои дека помагала и овозможила да се стекне впечаток во јавноста дека можат да се извлечат пари благодарејќи на контактот со извршната власт, Ременски истакна дека, освен тоа, Обвинителството немало друг доказ пред судот во делот на аргументацијата.

– Јас ќе очекувам Обвинителството да го докаже тоа што ми го става на товар, рече Ременски. Тука сум, додаде Ременски, за сите прашања во иднина и на органите и на вас како новинари.

Таа рече дека преголемото прејудицирање на инволвираност на политичари од страна на пристрасни медиуми во изминатиот период, без притоа, како што посочи, од неа како прозвано лице да се побара информација и изјава, го чувствува како лицитирање за некаква инволвираност и вклучување на политичар во целиот процес.

Затоа, рече Ременски, ќе се воздржам од сите коментари што се однесуваат и во делот на етиката на известувањето на новинарите по однос на мојата улога или што било поврзано во изјавите во медиумите со мене, затоа што одговорно тврдам со исклучок на дел професионални медиуми, многу од нив не ги почитуваа основните етички правила за известување во новинарството.

– Се прејудицираше вина, се ставаа на товар работи кои немаа никаква допирна точка, ниту доказ со ова што го гледаме денеска и затоа мислам дека ќе биде прилично несимпатично јас сега да ви се правдам за некои информации кои вие претходно сте ги прејудицирале во јавноста, рече Ременски.

На прашање како ја коментира изјавата на премиерот Зоран Заев дека може да ја исклучат од партијата и од сите функции, Ременски рече дека СДСМ има етички кодекс на однесување на функционерите и оти се потписници на изјави на тој кодекс.

– Тоа значи замрзнување на сите функции во партијата. Јас сум член на ИО во СДСМ и како одговорен општественик, интелектуалец и професионалец секогаш сум почитувала изјави што ги потпишувам. Ќе ја почитувам секоја одлука на партијата што ќе значи давање можност и период да не се дава политички контекст на целокупниот процес и секако можност да нема пристрасно влијание во каква било друга конотација во овој процес, рече таа.

На прашање за можноста за одземање на пратеничкиот имунитет, Ременски рече дека според Законот, на пратеник може да му се одземе имунитет во случај на определување мерка притвор по одлука на две третини пратеници во Собранието.

– Не би ги коментирала таквите шпекулации затоа што такво нешто нема, истакна таа.

Ременски рече дека се додека не биде докажана вина со правосилно судско решение секој е невин.

– Мислам дека можеби има добра шанса сите пратеници во Собранието кои се во некакво својство пред органите на правосудството, доколку се договориме, колективно да поднесеме оставки. Ама сите, рече таа.

Ременски истакна и дека воопшто не му е лута на лидерот на СДСМ, Зоран Заев.

– Во погрешен контекст ја пренесувате изјавата на премиерот Зоран Заев во однос на прашањето во делот на партиската функција, а не и во делот што значи оградување. Секој граѓанин независно на која политичка партија припаѓа, има право да се брани пред суд. Тој што докажува нешто треба да го докаже, а сите ние треба да имаме доверба и верба во процесот во институциите, меѓусебна почит по однос на квалификациите што ги даваме, рече Ременски.

Таа истакна дека изјавата на премиерот Зоран Заев не ја протолкувала во негативна конотација.

/МИА.

Свет

Ужас во Аризона: Татко си ги пронашол двете тригодишни близначки удавени во базен

Полицијата ги објави имињата на близначките кои трагично загинаа откако нивниот татко ги извлекол нивните безживотни тела од базенот во дворот.

Тригодишните девојчиња, Валентина и Пеналапи Руиз, починале во четвртокот во болница во Феникс, Аризона, соопштија официјални лица, пишува Daily Mail..

„Прелиминарните информации сугерираат дека дошло до случајно давење“, соопшти вчера полицијата.

„Во овој момент, нема ништо што откриле иследниците што изгледа сомнително“, рече пожарникарот на Феникс, Роб Мекдејд, за таткото на близнаците кој се јавил на 911.

Мекдејд додаде дека децата биле под вода „неодредено време“ пред да пристигне помошта околу 15:30 часот во четвртокот.

Девојчињата биле итно пренесени во блиската болница каде што биле прогласени за мртви, соопштија официјални лица.

Воздушните снимки од домот покажале базен во облик на бубрег што немал ограда околу него.

Свет

Расте бројот на жртвите во поплавите во Бразил- најмалку 57 загинати, 67 исчезнати (ВИДЕО)

Бројот на загинати од поројниот дожд во јужната бразилска држава Рио Гранде до Сул се искачи на 57, соопштија локалните власти, додека десетици се уште не се пронајдени, пренесува Ројтерс.

Цивилната заштита на Рио Гранде до Сул соопшти дека 67 лица се уште се водат како исчезнати, додека повеќе од 32.000 луѓе се раселени поради невремето, кое зафати речиси две третини од 497-те градови во државата, која граничи со Уругвај и Аргентина.

Поплавите уништија патишта и мостови во повеќе региони во земјата. Невремето предизвика и лизгање на земјиштето и делумно уривање на брана во мала хидроцентрала. Друга брана во градот Бенто Гонкалвес исто така е во опасност од уривање, соопштија властите.

Во Порто Алегре, главниот град на Рио Гранде до Сул, езерото Гуаиба се излеа, поплавувајќи ги улиците. Меѓународниот аеродром во Порто Алегре ги укина сите летови на неодредено време.

Во следните 36 часа се очекуваат врнежи од дожд во северните и североисточните предели на државата, но количината на врнежи се намалува и би требало да биде далеку под врвот забележан претходно оваа недела, соопшти државната метеоролошка служба.

Сепак, „нивото на водата во реките треба да остане високо неколку дена“, изјави денеска гувернерот Едуардо Леите во видеото на неговите социјални мрежи, додавајќи дека е тешко да се каже колку долго.

Рио Гранде до Сул се наоѓа на географската точка меѓу тропската и поларната атмосфера, што создава метеоролошка шема со периоди на интензивен дожд и други со суша.

Локалните научници веруваат дека оваа шема се интензивира поради климатските промени.

Обилните дождови веќе го погодија Рио Гранде до Сул во септември минатата година, кога екстратропски циклон предизвика поплави во кои загинаа повеќе од 50 луѓе. Ова се случи по повеќе од две години постојана суша поради феноменот Ла Ниња, со само слаби дождови.

Шоу биз

Најбогатата актерка на светот има 3 милијарди долари, но ретко кој ја знае (ВИДЕО)

Кога ќе помислите на најбогатите актерки во светот, веројатно ви паѓаат на ум познати имиња како Џулија Робертс, Сандра Булок, Анџелина Џоли или Џенифер Анистон, но големи се шансите никогаш да не сте го чуле името на најбогатата актерка на светот.

Имено, оваа титула ѝ припаѓа на американската актерка Џејми Герц, чие богатство се проценува на 3,2 милијарди долари. Ако се прашувате која е, не сте единствените затоа што изгледа дека луѓето не можат да се сетат на неа.

58-годишната ѕвезда ја започнала својата кариера во 1981 година со улога во „Бескрајна љубов“ и оттогаш се појавила во голем број филмови, вклучувајќи ги „Изгубените момчиња“, „Твистер“, „Крстопат“, „Помалку од нула“, „Квиксилвер“ и „Шеснаесет свеќи“.

Покрај тоа, таа се појави во хит сериите Seinfeld, The Neighbors, Modern Family и This is Us, а неодамна глумеше во филмот „I Want You Back“ од 2022 година, но таа ретко се појавува на екранот.

Сепак, нејзиното богатство не се должи само на нејзината актерска кариера. Актерката е во брак со милијардерот и инвеститор Тони Реслер, со кого е косопственик на НБА тимот Атланта Хокс. Имаат четири деца, а интересно, кога се венчале во 80-тите, Џејми била хранителка бидејќи компанијата на нејзиниот сопруг пропаднала, но тој подоцна се опоравил и заработил милијарди.