Забава

Прво државно квиз првенство

Прво државно квиз првенство ќе се одржи денеска во Скопје во организација на Македонската квиз асоцијација (МКА) кое е отворено за професионалци и дебитанти во индивидуални натпреварувања и во двојки.

Државното квиз првенство се состои од два настана, поединечно натпреварување и натпревари во двојки. Поединечното натпреварување се состои од пишани тестови со 200 прашања од осум различни области (спорт, наука, историја, свет, медиуми, животен стил, култура и забава) на кои што секој учесник треба да одговори точно, на што поголем број прашања, за два часа. Автор на квизот е Небојша Ангелов, искусен натпреварувач и победник на телевизиски квизови.

Натпреварите во двојки се состојат од вкупно 200 прашања кои ќе бидат распоредени во три дела. Првите два дела се состојат од по 80 прашања и времето за решавање за нив е 45 минути, а по нивното прегледување, најдобрите парови учествуваат во третиот финален дел кој се состои од 40 прашања и се решава 30 минути. Поените од трите дела се собираат, со тоа што поените освоени во финалната рунда вредат по двојно.

-Ги покануваме сите заинтересирани да ни се придружат на ова првенство односно оваа интересна и интелектуална квиз-забава, каде што можете да се натпреварувате и да го споделите Вашето знаење од разни занимливости! Единствени критериуми што е потребно да ги исполнуваат натпреварувачите е да сакаат да го покажат своето знаење и да сакаат дружба и забава и најважно, сите нешто да научиме. Ве охрабруваме, сите што имате желба да учествувате на вакви настани, да ни се придружите, велат од МКА. /МИА

Регион

Жител од поплавената Јабланица: Синот одеше зад мене, кога го однесе бран од три метри (ВИДЕО)

Мухамед Беговиќ од Јабланица го загубил синот во поплавите што рано утринава го зафатија овој град.

Тој за порталот „Аваз“ изјави дека сѐ се случило во рок од 15 минути.

„Во куќата беа син ми, невестата, сопругата, внукот и внуката. Почнавме да излегуваме од дома. Синот одеше зад мене, малку се сврте и дојде голем бран. Веројатно беше три метри. Синот само исчезна. Каде да одам сега? Освен мојот син, другите преживеаја, сите сме згрижени, има каде да спиеме.“

Автомобилизам

Cybertruck е повторно повлечен- Тесла се соочува со нови проблеми

Tesla се соочува со нов проблем на својот футуристички Cybertruck, овој пат поврзан со задната камера, што бара итна поправка.

Овој проблем влијае на 27.000 возила произведени помеѓу ноември 2023 и септември 2024 година, што значи дека практично сите модели на Cybertruck на патиштата ја бараат оваа поправка.

Според извештајот доставен до американската Национална управа за безбедност на сообраќајот на патиштата (NHTSA), проблемот е поврзан со доцнењето во прикажувањето на сликата од задната камера, која може да се појави дури по 8 секунди кога се префрла во рикверц. Ова доцнење може да влијае на способноста на возачот јасно да ја види ситуацијата зад возилото, зголемувајќи го ризикот од судар. Од Тесла наведуваат дека досега немало несреќи, повредени или смртни случаи поврзани со овој проблем.

Tesla најави дека ќе го поправи овој дефект со бесплатно ажурирање на софтверот, но додека тоа не биде достапно, ги советува возачите да ги користат своите ретровизори и да извршат визуелна проверка при возење наназад.

Ова е петто повлекување по ред што влијае на Cybertruck од неговото лансирање во ноември 2023 година, а исто така е најголемо до сега. Претходните повлекувања вклучуваат проблем со капакот на педалот за гас, што може да предизвика несакано забрзување на возилото, како и проблем со преголемиот бришач на шофершајбната што може да откаже.

Иако Tesla се обидува да ги реши овие проблеми со ажурирања на софтверот, оваа серија на повлекувања покренува прашања за доверливоста и квалитетот на Cybertruck. Сепак, компанијата покажа брзина и ефикасност во решавањето на проблемот без потреба од носење на возилото до сервисен центар.

Регион

„Касандра“ попладнево стигна во Грција, носи невреме со грмежи и ветришта

Во западна Грција пристигна бура наречена Касандра, која што носи облаци, дожд и грмежи, соопшти Националната метеоролошка служба (EMY).

Невремето треба да се смири до вечерва.

Низ земјата се прогнозира облачност, особено во текот на пладневните часови, со локален дожд и грмежи во северна Грција и Тесалија.

Утринската видливост утре може да биде намалена во некои области на копното, пишува еКатимерини.

Температурите ќе бидат благо покачени и ќе се движат од 27 до 29 Целзиусови степени, а на места во внатрешноста ќе достигнат до 31 степен.