Двајца таксисти, едниот во Токио, исто така се позитивни на тест за коронавирус и веројатно ги заразиле патниците.
Крузерот ,,Дијамантна принцеза” , кој е во карантин во Јокохама од 3 февруари, потврди 44 нови случаи, меѓу кои и еден член на екипажот.
Но, јапонските власти решија да дозволат истовар на постарите патници, кои биле негативни на тестовите. Тие ќе се симнат утре од крузерот наместо на 19 февруари и ќе бидат ставени во карантин на брегот.
Во Јапонија досега се потврдени вкупно 251 случаи на инфекција со коронавирус, вклучително и луѓе на тој брод.
Министерот за здравство Катсунобу Като изјави пред новинарите дека починала жена во своите 80-ти години од коронавирус во префектурата Канагава, која граничи со Токио.
Таа е прва жртва во Јапонија и трета надвор од Кина. Се разболела во јануари и дури подоцна развила симптоми на пневмонија. Коронавирусот и бил потврден откако починала. Како се заразила, се уште е под истрага.
Засега Јапонија не размислува за откажување или одложување на Олимписките игри, кои треба да започнат во Токио на 24 јуни.