Свет

Протести низ Франција по изборот на Барние за премиер (ВИДЕО)

Илјадници луѓе денеска излегоа на улиците низ цела Франција, изразувајќи го незадоволството од одлуката на претседателот Емануел Макрон да го назначи политичарот од десниот центар, Мишел Барние, за премиер.

Илјадници луѓе денеска излегоа на улиците низ цела Франција, изразувајќи го незадоволството од одлуката на претседателот Емануел Макрон да го назначи политичарот од десниот центар, Мишел Барние, за премиер, додека лево ориентираните партии го обвинуваат за кражба на парламентарните избори.

Макрон во четвртокот го именуваше 73-годишниот Барние, конзервативец и поранешен преговарач на Европската Унија за Брегзит, ставајќи крај на двомесечната потрага по нов премиер по сопствената одлука за распишување на вонредни парламентарни избори кои резултираа со поделба на парламентот во три блока.

Во своето прво интервју како шеф на владата, Барние синоќа изјави дека неговата влада, која нема јасно мнозинство, ќе биде составена од конзервативци, членови на таборот на Макрон и, како што рече – се надева и на политичари од левицата.

Барние се соочува со тешка задача - обидот да спроведе реформи и да го донесе буџетот за 2025 година, додека Франција е под притисок од Европската комисија за намалување на дефицитот.

Левицата, предводена од крајнолевата партија „Непокорена Франција“, го обвини Макрон дека ја потиснал демократијата и ги украл изборите, откако одби да го назначи кандидатот на левиот сојуз „Нов народен фронт“, кој освои најмногу места во парламентот, иако нема апсолутното мнозинство.

Вчерашната анкета на „Елабе“ покажа дека 74 проценти од Французите сметаат дека Макрон ги игнорирал резултатите од изборите, а 55 проценти веруваат дека ги изманипулирал.

Реагирајќи на именувањето на Барние за премиер, чија централнодесничарска партија Les Republicains е само петтиот блок во парламентот со помалку од 50 пратеници, лидерите на левичарските партии, синдикати и студентски организации повикаа на масовни протести пред понатамошни дејствија, вклучително и можни штрајкови на 1 октомври.

Партијата ЛФИ најави одржување на 130 протести низ државата.

Барние ги продолжи консултациите и денеска, во обид да формира нова влада, што е тешка задача со оглед на тоа што се соочува со потенцијално гласање за недоверба, особено со оглед на итноста на буџетот за 2025 година, за кој треба да се расправа во парламентот на почетокот на октомври.

НФП и екстремно десничарската партија Национален собир (РН) заедно имаат мнозинство и, доколку одлучат да соработуваат, би можеле да го соборат премиерот со гласање за доверба.

Но, РН објави условно одобрување на Барние, што ја прави партијата клучна за формирање на нова влада.

Критичарите го обвинуваат Макрон дека ја предал власта на владата во рацете на Националниот собир на Марин Ле Пен.

Свет

Хаос во најнаселениот град на светот- невреме, невидено во последните 70 години (ВИДЕО)

Вообичаено раздвижениот финансиски центар Шангај застана денеска додека жителите се засолнија во своите домови додека чекаа да помине тајфунот Бебинка.

Бурата од прва категорија, која стигна до Шангај утрово, е најсилниот тропски циклон што го погодил градот во повеќе од седум децении.

Со ветрови од 151 км/ч, Бебинка го погоди градот со речиси 25 милиони жители околу 7:30 часот по локално време, објавија државните медиуми, што го прави најсилното невреме што го погодило Шангај од тајфунот Глорија во 1949 година.

Дожд заврнал низ градот, а силните ветрови урнаа повеќе од 10.000 дрвја низ Шангај, додека повеќе од 400.000 луѓе беа евакуирани од своите домови.

Според извештаите на медиумите, ангажирани се повеќе од 56.000 спасувачи, а до рано попладне било пријавено само едно повредено лице.

Повеќе од 1.400 летови од двата градски аеродроми и повеќе од 570 патнички возови се откажани од вчера навечер, нарушувајќи ги плановите на многу луѓе кои патуваат за Есенскиот фестивал, тридневен национален празник во Кина.

Парковите и бизнисите беа затворени бидејќи четири области во Шангај издадоа предупредување од највисоко ниво. Некои од линиите на метрото беа прекинати, а автопатите и надвозниците беа затворени за сообраќај или беа воведени посебни ограничувања на брзината.

Одморалиштата во Шангај, вклучително и Шангај Дизни паркот, забавниот парк Џинџијанг и паркот за диви животни во Шангај, беа привремено затворени, а многу траекти беа укинати.

Невремето се пресели од Шангај во соседната провинција Џиангсу попладнево, иако се очекува дождот да продолжи во финансиската престолнина на Кина до крајот на денот.

Силни удари од тајфун ретко го погодуваат Шангај и најчесто се вообичаени во јужните делови на Кина.

Јаги, разорна бура од четврта категорија, ја погоди провинцијата Хаинан минатата недела.

Шоу биз

Селена Гомез му кажа на колега дека ќе падне на „Еми“, неговата реакција е хит (ВИДЕО)

Ѕвездите на серијата Only Murders in the Building,  Селена Гомез, Мартин Шорт и Стив Мартин ја доделија и ја примија наградата Еми за извонредна споредна машка улога во хумористична серија.

Додека одеа до бината, Селена Гомез промрморе: „Ќе паднам“. До неа одеше Мартин Шорт, кој ѝ одговори: „Те држам, душо“. После тоа ја фати за рака.

Гледачите на доделувањето беа воодушевени од овој сладок гест на 74-годишникот.

„Мартин Шорт ѝ кажа на Селена „те држам бебе“ за да се чувствува поудобно на сцената. Многу ги сакам“, „Тој е многу сладок“, „Селена се бореше со фустанот, па Мартин ѝ помогна“, се некои од коментарите.

Многу гледачи се согласија дека Селена, Стив и Мартин одлично се забавувале на Еми. „Каква магична вечер на обидот да се запамети имињата на луѓето“, рече Гомез, а Шорт додаде: „И преправајќи се дека ги гледаме нивните емисии“.

Мартин му кажа на Стив дека е чест да се работи со некој кој изгледа како паднат и не може да стане, а Селена ги воодушеви гледачите кога ги спомна „мачкарките без деца“.

„Да кажам само каква чест е да се работи со двајца мажи кои се далеку од тоа да бидат сопрузи на мачкарки без деца“, рече таа.

Свет

Катастрофа во Романија: Најмалку шестмина загинати во поплавите (ВИДЕО)

Бројот на загинати во поплавите во романската област Галац достигна шестмина.

Вчера било пронајдено тело на маж како лебди покрај патот во селото Слободија Конаки. Водата го однела речиси шест километри. Исто така, едно лице кое исчезнало во Сухурлуи е потврдено синоќа. Водата се повлекла, но зад себе оставила половина метар слој кал, дури и внатре во куќите, пренесе Инсајдер.

"Што е ова? Катастрофа! Видете добри луѓе! Уништени сме", рекол еден од жителите на градот, а друг продолжил:

„Ако сте ги слушнале животните како рикаат, не можам да ви опишам. Тоа беше крајот на светот“.

Немаме каде да одиме, немаме каде да спиеме“, велат другите мештани.

Два дена по поплавата се открива обемот на катастрофата. Телото на исчезнатиот маж во Печеја било пронајдено дури вчера. Водата го однела шест километри.

„Син ми го виде таму во грмушката. И ми вика: Тато дојди тука има мртовец и кога дојдов го најдов. Водата го носеше, имаше околу 40-50 години. “, рече друг локален жител.

Трагедијата е уште поголема бидејќи во саботата животот го загуби и братот на тој човек. Многу луѓе од страв не сакале да се симнат од покривите на своите куќи. Водата во некои области достигнала речиси два метри. Дури и спасувачите биле во опасност.

Екипата на пожарникари во возилото синоќа била зафатена од порој. Тие успеале да излезат низ прозорците и да го напуштат возилото.

Поплавата поминала, но зад себе оставила стотици уништени домаќинства.

Само во областа Галац се оштетени околу 5.500 куќи, а загрозени се 20.000 луѓе. Откако водата се повлекла, останал дебел слој кал кој прекрил сѐ во куќите.

"Голема тага. Таму е калта, а водата беше толку висока. Ништо не ми остана, сѐ е уништено. Мебелот е целосно уништен! Вакво нешто досега не се случило овде!", велат мештаните.

За да се разбере колку моќна била водата таа ноќ, најдобро е да се наведе дека оградите биле откорнати заедно со бетонските темели, закопани во земјата.

Мештаните со солзи во очите се обидуваат да спасат што можат од калта.

„Ми умре кравата! Боже, ја измолзев и ѝ го испив млекото. Стари сме, но куќата ни беше чиста и сува“, вели еден постар жител.

„Амбарите се превртени, имавме жито, сега се полни со кал, сега е како отров. Козата е мртва во шталата.“, додаваат двајцата старци.

Нема ништо во нивните куќи. Сè е уништено, а сега старците се немоќни. Седнати на столче кое не го однела водата, ужасно гледаат што останало од дворот.

Луѓето спиеле кај роднини или соседи.

„Видете, ова е катастрофа. За ден и пол, колку што течеше водата, сè беше уништено. Креветот... немаме веќе каде да спиеме, фрижидерите, сè, уништени. Печките за греење. .. Ништо не ни преостанува.

„Водата дојде за половина час. Во тоа време ја држевме капијата за да не влезе водата посилно. Немавме каде да одиме. Ја пуштивме и побегнавме. Се качивме на сено и не можевме да стигнеме оттаму долу водата достигна 2,5 метри“, велат мештаните.

Пожарникарите вчера ги спасувале и животните заробени во поројот. По цел ден страдање и болка, кога на небото се појави виножито, луѓето гледале со надеж дека дождовите нема да се вратат наскоро.

Но, радоста не траела долго, бидејќи со доаѓањето на темнината повторно почнала поплавата. Проблемите сѐ уште се присутни во целата област Галац. Катастрофата во селото Берешти најдобро се гледа од воздух. Улиците се зафатени од порои, а само дамки трева се појавуваат овде-онде.

Повеќе од 90% од домаќинствата без струја се повторно приклучени на мрежата. Според извештаите, 35 куќи не можеле повторно да се поврзат бидејќи имало опасност од пожар и струен удар. Државниот пат 24, кој води до Барлад, е затворен меѓу селата Варлези и Крајешти, откако поплавата го уништила.

Во квартот Васлуи од силината на поројот се урнале земјените ѕидови на неколку куќи.

„Кога видов дека доаѓа водата, син ми ги зеде телевизорот и личните карти и истрчавме накај пругата, беше катастрофа, катастрофа. Ги зедов децата и ги одведов кај соседот, ги ставив преку оградата. Кутрите плачеа како да им пукна срцето, бидејќи не знаеја што се случува.

Речиси 400 пожарникари интервенирале во областа Васлуи. Повеќе од 100 куќи се погодени во селото Епурени, каде што се отвориле огромни дупки на улиците.

Метеоролозите издадоа предупредување за дожд за регионот на Молдавија, каде врнежите ќе продолжат и во наредните денови. Црвеното метео предупредување за поплави се уште е во сила за неколку реки во Романија.

притисни ентер