Култура

Промовирана монографија за тетовската музичка група ,,Серенада”

Во Тетово вечерва беше промовирана монографијата „Серенада-музичка метафора" од Диме Оклевски-Окле, посветена на 40 години од формирање и творештво на тетовскиот музички состав ,,Серенада".

Авторот е воедно и еден од членовите кои четири децении е дел дод групата.

-Од маалско дружење настана Серенада. Ние се собиравме во маалото и пеевме навечер кај професорот по музика, Андро Апостолски. Некој од соседите му рекол прибери ги децата во хор, не можеме да спиеме навечер, затоа што до доцна сме пееле. Така и тој не повика во друштвото „Иљо Антески-Смок" каде членувавме во пејачка секција, хорот и во музичката група. Така почнавме, а најзначајното за Серенада е што ја негуваше и зачува тетовската страоградска песна, изјави авторот.

Монографијата има 104 страници, а изработени се и два видео записи со фестивалски и староградски песни.

-Значајно за монографијата е што има и историски информации за музичките групи во Тетово изминатите децении, кои настапувале паралелно со нас, голем број се застапени со слика и податоци, рече Оклевски.

На промоцијата зборуваше и писателот Јован Дамјановски, а беа изведени најпознатите песни на Серенада./МИА

Забава

Циципас ја заврши романсата со колешката Бадоса

Убавата шпанската тенисерка Пола Бадоса повеќе не е во врска со најдобриот грчки тенисер Стефанос Циципас.

По тој повод таа преку Инстаграм остави и проштална порака:

- По внимателно размислување и многу убави заеднички моменти, јас и Стефанос решивме да се разделиме. Споделивме патување исполнето со љубов и учење и се разделуваме како пријатели со голема взаемна почит, но одиме по наш пат.

- Благодарни сме за поддршката на нашите пријатели, семејства и сите кои беа дел од нашата приказна. Додека преминуваме во ново поглавје во нашите животи, си посакуваме ништо друго освен најдобро во иднина. Љубезно бараме приватност во овој период и ви благодариме за разбирањето и почитта – напиша Бадоса.

Бадоса денес е 101. тенисерка во светот со 26 години, а своевремено беше и втора на ВТА листата.

Фудбал

Баер закажа прослава за 26 мај

Германскиот фудбалски шампион Баер Леверкузен заедно со навивачите на 26 мај ќе ја прослави својата историска сезона, објави денеска клубот.

Настанот ќе се одржи ден по финалето на Купот на Германија во кое Баер ќе игра за трофејот против второлигашот Кајзерслаутерн во Берлин. Тимот на Чаби Алонсо би можел да биде и во финалето на Лига Европа на 22 мај во Даблин.

Баер веќе ја обезбеди шампионската титула во Германија и во серија е од 48 натпревари без пораз од стартот на сезоната.

За шампионската забава на стадионот ќе бидат достапни околу 40.000 бесплатни билети, соопшти Баер Леверкузен.

Шоу биз

Фото: Северина во секси издание

Балканската музичка ѕвезда Северина одржа концерт на познатата плажа Зрче.

По концертот мегапопуларната пејачка на Инстаграм на воодушевување на следбениците објави неколку фотографии од својот стајлинг.

Познатата пејачка блесна во краток зелен фустан, кој ги истакна сите нејзини атрибути со секси шлицови.

Заедно со објавената фотографија, Северина остави и симболична порака која ја заинтригира јавноста.

-Што се случува во Зрче, останува во Зрче“, напиша Северина на Инстаграм.