Шоу биз

Продуцентот “предатор“ му помагал на Клинтон во аферата “Левински“

Харви Вајнштајн му пружил финансиска и морална поддршка на својот пријател Бил Клинтон кога во 1998 година, во времето кога бил претседател, а аферата со многу помладата колешка за малку ќе го чинела неговата работа.

Холивудскиот продуцент бил меѓу тие неколку луѓе кои го подржале и му дал чек од 10.000 долари за покривање на трошоците за одбраната на судот, каде лажно сведочел за својот однос со Моника Левински.

Клинтон, кој тогаш имал 49 години, се правдал дека немал односи со Моника Левински, која тогаш имала 22 години. Иако тоа не било вистина, благодарејќи на повеќе од 2.2 милиони долари донација од Вајнштајн и неговите пријатели, Клинтон останал во Белата куќа.

Тоа се случило само година дена откако наводно ја силувал актерката Роуз Мекгован и Азија Арџенто во хотелските соби, во кои малтретирал повеќе од 40 жени.

Сепак и Вајнштајн имал корист од Клинтонови. Хилари неколку месеци подоцна присуствувала на прикажувањето на неговиот филм „Заљубениот Шекспир“, и покрај фактот што во тоа време нејзиниот маж се соочувал со импичмент пред Сенатот.

Продуцентот исто така организираше голема роденденска забава за Хилари во 2000 година и собираше пари за нејзината кандидатура за Сенатот и неуспешните обиди да влезе во трката за Белата куќа.

Хилари и нејзината ќерка Челзи не понудија никаква јавна поддршка за жртвите на Вајнштајн, а поранешната секретарка на САД само прокоментира дека е разочарана од режисерот.

Свет

Четири деца тешко повредени откако паднале од покрив на спортска сала во Штутгард

Четири деца на возраст од 13 години се тешко повредени кога за време на игра паднале од покрив на спортска сала во германскиот град Штутгарт, соопшти полицијата.

Полицијата навела дека децата паднале од висина од седум метри од покривот на спортската сала во Ремшалден во Штутгарт и дека со спасувачки хеликоптер биле пренесени во болница, пренесе „Шпигел“.

Полицијата истражува зошто и како се искачиле децата на покривот.

Во спасувачката акција биле вклучени три хеликоптери, две полициски патроли, 40 пожарникари на седум возила и 13 возила на Итна помош.

Македонија

Арсовска: Мир, спокој, здравје и љубов за сите, честит Велигден

Мир, спокој, здравје и љубов за сите православни христијани, посака денеска градоначалничката на Град Скопје, Данела Арсовска од пред Соборниот храм, честитајќи го Христовото воскресение - Велигден.

- Посакувам да се сакаме, да се почитуваме, да имаме обѕир еден кон друг, да бидеме хумани, да бидеме солидарни и да покажуваме грижа еден кон друг, секој еден ден во годината. Нека е за многу години денот и празникот, порача Арсовска.

Македонија

Ковачевски: Македонскиот јазик денес е на исто рамниште со официјалните јазици во ЕУ

Ковачевски за Ден на македонскиот јазик: Македонскиот јазик денес е на исто рамниште со официјалните јазици во ЕУ, тој е темел на нашиот идентитет.

Претседателот на Социјалдемократскиот сојуз на Македонија, Димитар Ковачевски, упати честитка до граѓаните по повод денешниот ден, 5 мај, Ден на македонскиот јазик.

Во честитката, Ковачевски посочува дека денеска оддаваме почит кон создавачите на македонскиот литературен јазик и ја продолжуваме мисијата за негова афирмација и заштита.

„Денеска кога го одбележуваме Денот на македонскиот јазик, оддаваме должна почит кон сите создавачи на македонскиот литературен јазик и ја продолжуваме мисијата за негова афирмација и заштита.

Македонскиот јазик денес е дел од нашата лична карта во Обединетите нации. Со потпишувањето на договорот со ФРОНТЕКС на чист македонски јазик, го издигнавме нашиот јазик на исто рамниште со останатите официјални јазици во Европската Унија, на кабините за превод во ЕУ стои нашиот македонски јазик.

Македонскиот јазик е темел на нашиот идентитет, грижата за негово зачувување и унапредување останува наш приоритет, затоа што влог во јазикот е влог во иднината. Нека ни е честит 5 мај, Денот на македонскиот јазик“, вели во честитката, претседателот на СДСМ, Димитар Ковачевски.

СДСМ