..Ова е решението за кое Град Скопје, дел од советниците и приватните превозници си подадоа рака на денешната координативна седница за конечен излез од ќорсокакот. Со ваквиот предлог превозниците велат се задоволни и дека најдоцна до понеделник ќе се вратат во сообраќај, воедно очекуваат од сите советнички групи, кога ќе дојде време за гласање да го подржат предлогот.

-Заклучно со 01.01.2025 година ќе стартуваме со нова цена, ќе се склучи анекс на договорот и ќе имаме ние нова цена. Очекувате поддршка од сите советници за иницијативата? Да, нормално, зошто да не, сите советници беа за да ни се даде покачување, дали ќе биде еден месец порано или подоцна, ние тука сме во служба на градот и очекуваме нормално дека ќе гласаат,- Јовица Зафировски – Приватен превозник.

Советникот од СДСМ во советот на Град Скопје Гордан Шутаров смета дека ваквиот предлог ќе донесе долгорочно решение и стабилност за приватните превозници, кои покачувањето би го добиле заедно со ребалансот на буџетот на Нова година. Воедно и тој порача дека советниците треба да бидат обединити околу ова прашање.

Кога сме се одлучиле да се бавиме со локална политика, некои партиски стеги, партиски размислувања мора да ги надминеме, да се надминеме себеси со оглед на тоа дека локалните самоуправи всушност и Градот Скопје постои за да ги решава и ги задоволува потребите на градот Скопје и кога се решаваат проблемите на граѓаните на Скопје, место за политика тука нема.

Сепак, координаторот на советничката група на ВМРО-ДПМНЕ – Мартин Стојановски кој ја напушти координативната средба во кабинетот на градоначалничката Арсовска не откри дали ќе ја поддржат иницијативата. Тој вели, заклучокот кој советот го донесе вчера за покачување од 30 денари е валиден бидејќи имало кворум, а истиот смета дека отфрлен поради политички причини.

-Ова го има само во режими, во државите како Северна Кореја, како во времето на Енвер Оџа и како во времето на Чаушеску во Романија, вакво непостапување и непочитување на советот досега немало никаде, а за тоа се свесни и граѓаните и новинарите. Ние пристапивме кон приватните превозници и донесовме еден заеднички став за решавање на нивниот проблем привремено до месец мај, се понатака, денеска што се случува е само едно големо политиканство и нечесни задкулисни игри,- Тонско Мартин Стојановски.

На вчерашната седница по бројни кавги и препукувања, советниците на ВМРО-ДПМНЕ изгласаа заклучок за покачување на цената од 30 денари по изминат километар, но истата од страна на Град Скопје беше отфрлена како невалидна, бидејќи немало кворум, ниту соодветни анализи.