Технологија

Притисокот расте: „Милиони ќе останат без Windows“

Расте притисокот врз „Microsoft“ да ја прошири поддршката за „Windows 10“, кој останува најкористен од сите верзии на оперативниот систем.

Беше покрената петиција, иницирана од Истражувачката група за јавен интерес (PIRG) - заедница на американски и канадски непрофитни организации, со барање безбедносните ажурирања за „Windows 10“ да продолжат и по 2025 година.

Во текстот на петицијата се наведува дека многу компјутери ќе станат „е-отпад“ по октомври 2025 година.

Патем, „Windows 11“ не е возможно ниту да се инсталира на многу стари компјутери поради хардверски барања, додека „Windows 10“ работи добро на истите тие уреди. Покрај ова, се посочува и дека милиони од оние кои имаат „Windows 10“ не би можеле да си дозволат нови компјутери.

Последното безбедносно ажурирање за „Windows 10“, како што планира „Microsoft“, ќе пристигне на 14 октомври 2025 година, по што оваа верзија на популарниот оперативен систем ќе станува сè поризична за користење.

Извор: Б92

Свет

Хутите собориле американски дрон

Јеменските Хути собориле американски дрон МК9 над провинцијата Ал Бајда во јужен Јемен, соопшти денеска воениот портпарол на оваа милитантна група Јахја Сари.

Тој истакна дека дронот бил цел на проектил земја-воздух од локално производство и додаде дека ќе биде објавено видео кое ќе ги потврди овие тврдења.

Минатиот петок Хутите соопштија дека собориле уште едно американско беспилотно летало МК9 над југоисточната провинција Мареб.

Групата, поддржана од Иран, почна напади врз бродови во Црвеното Море во ноември во, како што велат, знак на солидарност со палестинскиот народ во Појасот Газа.

САД и Велика Британија почнаа серија напади против Хутите во Јемен во февруари како одговор на акциите на групата.

Македонија

ССМ: Синдикална минимална кошница за мај 60 090,00 денари

Вредноста на синдикалната минимална кошница за месец мај 2024 година изнесува 60 090,00 денари, информираат денеска од ССМ.

Споредена со вредноста на синдикалната минимална кошница за месец април годинава која изнесува 60 212,00 денари е намалена за 122,00 денари.

Како што додаваат од ССМ, со изнајмен стан од 60 квадрати за месец април изнесува 75 465,00 денари.

Регион

Еден загинат, 17 лица се повредени во судар на камион и автобус кај Обреновац

 Во судир на автобус и камион во местото Стублине кај Обреновац, едно лице загина, а 17 лица се повредени, јави дописникот на МИА од Белград.

Судирот се случил во 10.05 часот. Шест повредени лица се пренесени во КБЦ Бежанијска коса, додека 11 лица се во Здравствениот дом во Обреновац.

Според првичните информации загинатото лице е возачот на автобусот кој починал на самото место.

Повреден е и возачот на камионот кој учествувал во сообраќајната несреќа.

Сообраќајот на тој дел од патот е во прекин. Полицијата врши увид теренот. /МИА

притисни ентер