Изградбата на штитот, долг повеќе од 640 километри, ќе опфати противтенковски утврдувања, бункери и други пречки изградени за физичка одбрана на границата и за контрола на движењето.

Поддршката на САД за одбраната на Европа се очекува да ослаби откако Доналд Трамп ќе ја преземе функцијата претседател на САД во јануари следната година. Да потсетиме, тој во неколку наврати изјави дека планира да стави крај на руската инвазија на Украина на првиот ден од неговиот мандат, а најави и намалување на помошта за Киев, пренесува Дејли Мејл.

Воздушната одбрана и модерните технологии за надгледување напојувани со вештачка интелигенција, исто така, ќе ја заштитат Полска од заканите на модерното војување.

For those unaware. Polish MoD announced that the eastern border will be reinforced with 50km deep fortification line called Eastern Shield. pic.twitter.com/zpTpXbMci3

— NonCredibleDefense Unofficial (@NonCRDDefence) May 29, 2024

Штитот треба да вклучува и сателитска компонента за да обезбеди „уште еден елемент на безбедноста“, рече полскиот премиер Доналд Туск.

Тој додаде дека утврдувањата биле дизајнирани да ја одбранат земјата од потенцијалните непријатели, а растечка закана за Западот се смета милитаризираната руска енклава Калининград.

Тоа е веројатно најголемата инвестиција во националната безбедност во повоената историја на Полска. Планирана е повеќеслојна одбранбена линија длабока околу 200 метри, а ќе се состои од огради, ровови и мински полиња.

Високата гранична ограда со бодликава жица и противтенковски ровови ќе биде првата пречка за секој потенцијален напаѓач, а на патот ќе бидат поставени и други пречки како што се „змејски заби“, бетонски шилести блокови што се користат за запирање на оклопни возила.

Ако одбраната не успее, бункери и подземни засолништа ќе бидат скриени во шумите.

Туск летово најави и дека има зголемен миграциски притисок на источната граница, како и дека Москва и Минск можеби ќе се договорат за пренасочување на барателите на азил на запад.

„Границата не може да се помине неказнето. Русија и Белорусија стојат зад ова, а целиот свет ја нарекува хибридна војна. Ние нема да се откажеме. Ова го правиме за да го одвратиме непријателот, па сите оние кои сакаат штета на Полска. Сите оние кои планираат напад, агресија врз нашите сојузници или врз нашата земја, слушаат денес овде, од главниот плоштад во Краков: држете се настрана од Полска“, рече Туск во јули.

Кагдас Халикилар неодоливо наликува на мегабогатиот основач на Амазон, кој често погрешно го заменуваат во јавноста. Напуштајќи ја својата работа како електричар, тој сега заработува како негов двојник, објави Њујорк Пост.

Но, фановите неодамна забележале битна разлика меѓу нив - мускулите, но и недостаток. 46-годишниот, во обид вистински да го имитира својот „идол“, сега тренира четири пати неделно со шесткратниот шампион во бодибилдинг за да избегне секаков „срам“.

„Моите пријатели и обожаватели ми кажаа дека Џеф Безос е помускулест и поатлетски од мене“, изјавил Кагдас за What's The Jam.

„Бев многу засрамен и знаев дека морам да преземам акција. Решив да го доведам шампионот бодибилдер за свој личен тренер, за навистина да ги видам резултатите“, изјави тој.

„Заморно е, но вреди“

Кагдас, од Лејмен, Германија, работел како електричар и заработувал околу 21.000 фунти годишно.

Откако станал преморен од работа дење и ноќе, тој сонувал да стане успешен бизнисмен милијардер, исто како Безос, кој според Форбс наводно вреди неверојатни 223,3 милијарди долари.

Кагдас додаде: „Сакам да патувам исто како и тој, да јадам луксузна храна. Но, тоа додаде неколку килограми на мојата тежина. Исто така, често ме повикуваат стартап компании и ме прашуваат за мое мислење - како да го живеам неговиот живот и да личам на него. Сепак, знам дека никогаш не би можел да го заменам оригиналот. За мене тој е пред сѐ најуспешната личност на светот. И ќе ги посветам сите мои напори само да бидам како него“.

Соседите го снимиле моментот кога криминалците пристигнуваат до нивниот автомобил, грабаат облека и кожни производи, а потоа ставиле сѐ во багажникот и избегале.

Разбојниците прво со „ауди“ го скршиле излогот во 6-тиот арондисман на француската престолнина, јавува Франс ТВ Инфо.

Тие без многу брзање го натовариле пленот во возилото и исчезнале без трага. Зад себе останала само снимката која ѝ е предадена на полицијата.

На крадците не им пречел алармот кој се огласил во истиот момент кога го скршиле прозорецот. Биле четворица, а носеле маски и ракавици.

Потсетуваме, истиот дуќан на почетокот на октомври беше цел на разбојници, а тогаш била одземена стока вредна стотици илјади евра.

Откако со автомобил го скршиле излогот, крадците однеле повеќе од 100 брендирани предмети.

Дали се работи за истата криминална група ќе се утврди со понатамошна полициска истрага.