Автомобилизам

Претставен е новиот Mercedes GLC Coupe со само четири цилиндри (ФОТО)

Mercedes направи добра работа со моделот GLC нудејќи одлична алтернатива во премиум гамата. Сега стигна до врвниот учинок.

Иако имињата ги носат ознаките GLC43 и GLC63 S E Performance, овде, како и кај некои претходници, приказната не оди подалеку од четири цилиндри. Мерцедес веќе ја покажа својата храброст нудејќи нешто слично на други модели, вклучувајќи го и SL.

Така, GLC63 S E Performance нема никаква врска со поранешниот атмосферски ѕвер (M156 – 6.2 V8), ниту со неговиот наследник, ниту со мотори со шест цилиндри. Овој SUV е придвижуван од 2.0 бензински мотор со 476 КС и потоа на сè се додаваат 204 КС и 320 Nm електричен погон.

Епилогот е околу 500 kW или 680 КС и 1020 Nm вртежен момент. „Благодарение“ на значителната маса, забрзувањето до 100 km/h останува во доменот од 3-4 секунди, односно на 3,5 секунди, додека максималната брзина е поставена на 275 km/h. Батеријата има капацитет од 6,1 kWh, има домет од 12 km, а се полни преку полнач од 3,7 kW. Оваа верзија тежи 2310 кг.

Можеби поинтересен би можел да биде AMG GLC 43, кој се потпира исклучиво на 2.0 бензинскиот мотор со 421 КС и краткорочната помош на системот за генератор на стартер со дополнителни 14 КС (и 150 Nm). Овде е достапен и погон на сите тркала, а спринтот до 100 km/h трае 4,8 секунди со ограничени максимални 250 km/h.

За потсетување, претходниот истоимен модел го придвижуваше 3.0 битурбо V6 со 385 КС и погодувате, ги имаше истите перформанси. Овој модел тежи нешто под два тона, а според официјалните податоци троши околу 10 l/100 km.

Според тоа, AMG верзиите на Mercedes GLC се исти за купе верзијата. Исто така, нема други новости од доменот на самата шасија, суспензија и погон. Сѐ е исто освен понудата на простор на задното седиште, што исто така може да биде сериозна предност на класичниот GLC.

Цените не се објавени, но добар водич е тоа што, кога станува збор за класичниот модел GLC, послабата верзија во Германија започнува од 86.870 евра, односно 121.856 евра за помоќната опција.

Забава

Фото: Лепа Брена на јахта за Велигден

Големата балканска музичка ѕвезда Лепа Брена на социјалните мрежи откри дека најголемиот христијански празник Велигден ќе го помине на својата јахта вредна 6 милиони евра.

Пејачката отпатувала на луксузна дестинација, а на својот Инстаграм профил објавила и покажала колку уживала.

На фотките Брена позира на палубата од јахтата.

Шоу биз

Видео: Рекорден концерт на Мадона во Рио

Кралицата на попот Мадона постави уште еден рекорд. Легендарната пејачка одржа рекорден бесплатен концерт во Рио де Жанеиро, на кој присуствувале фантастични два милиони луѓе -!

Кралицата на попот Мадона синоќа на плажата Копакабана во Рио де Жанеиро го одржа последниот концерт од својата турнеја „Celebration“, а се проценува дека спектаклот го посетиле меѓу 1,6 и 2,2 милиони луѓе.

Мадона на тој начин го сруши рекордот на Дијана Рос и овој настап сега и официјално е најпосетениот концерт на една изведувачка во историјата.

Ова воедно беше нејзин 81 концерт од мегауспешната турнеја со која ја прослави својата 40-годишна кариера.

Концертот бил бесплатен, а е финансиран од најголемата банка во Латинска Америка како подарок за граѓаните.

Забава

Фото: Бритни Спирс во центар на нов скандал: Покриена со јорган надвор од хотел

Според дел од светските медиуми, контроверзната музичка ѕвезда Бритни Спирс била видена во ноќта помеѓу 1 и 2 мај,  облечена само по долна облека покриена со јорган пред хотел.

Како што наведува „ТМЗ“, пејачката била во хотелот Шато Мармонт со своето момче Пол Солиз.

Во текот на вечерта дошло до конфликт, најверојатно меѓу нив двајца, по што некој од присутните повикал полиција, велејќи дека женско лице, кое наликува на Бритни Спирс, малтретирало луѓе и им се заканувало.

Полицијата пристигнала по 22:30 часот, но не констатирала траги на насилство и си заминала.

Изворот на ТМЗ наведува дека Бритни и Пол отишле во хотелска соба, каде продолжиле да пијат. Набрзо повторно се скарале, по што, според изворот, дошло до физички контакт, при што Бритни си ја повредила ногата.

Бритни потоа истрчала во ходникот, викајќи и врескајќи, а гостите повикале брза помош, која брзо пристигнала и успеала да стапи во контакт со пејачката, пренесува „b92“.

притисни ентер