Култура

Премиера на претставата „Марта Верина“ во МНТ

Во претставата играат Дарја Ризова, Григор Јовановски, Благој Веселинов , Билјана Драгиќевиќ-Пројковска, Амернис Нокшиќи, Софија Насевска-Трифуновска и Саша Ханџиќ.

Во Македонскиот народен театар вечерва со почеток во 20 часот ќе се одржи премиера на драмскиот текст Марта Верина од Драгана Лукан Николоски, во режија на Нина Николиќ, а во копродукција помеѓу Перипетија продукција и МНТ и во соработка со Фондација „Ацо Шопов“.

Марта Верина е приказна за жена која поради своите „погрешни“ избори не му припаѓа на општеството и мора да живее со товарот на „грешката“ која ја направила. Претставата која е инспирирана од поезијата на Ацо Шопов, отвора прашања за стигматизацијата во општеството и ги истражува меѓучовечките односи и влијанието на родителските постапки врз децата.

Во претставата играат Дарја Ризова, Григор Јовановски, Благој Веселинов , Билјана Драгиќевиќ-Пројковска, Амернис Нокшиќи, Софија Насевска-Трифуновска и Саша Ханџиќ.

Сценографијата е на Илина Ангеловска, костимограф е Ивана Каранфиловски Угуровска, музиката на Оливер Митковски и Андреја Салпе, а дизајнот на постерот на Сара Митова.

Како дел од проектот е објавена и книга чија промоција ќе биде одржана во склоп на премиерната изведба на претставата.

Регион

Момче загина во експлозија во хрватскиот град Книн, четворица се повредени

Синоќа дошло до експлозија во зграда во Книн.

Едно лице загинало, а четворица се ранети, објави Индекс.

Полицијата соопшти дека во 23.01 часот добиле дојава дека во станбена зграда во Книн се случила експлозија на неидентификувана експлозивна направа, при што едно лице загинало, додека четири лица се повредени и итно пренесени во болница. На местото на настанот се испратени сите служби за итна помош.

Вработени во Итната медицинска помош го пренеле повредениот во болницата „Хрватска општа и ветеранска гордост“ во Книн. Се уште не е позната тежината на повредите. Полициски службеници го обезбедуваат местото на инцидентот, а околностите за експлозијата ќе се утврдуваат со истрага.

Неофицијално, се дознало дека сите жртви се млади луѓе и дека несреќата се случила во подрумот на зградата каде се дружеле.

Свет

Украинска армија: Уништени повеќе од десет руски дронови што во текот на ноќта го нападнаа Киев

Украинските единици за противвоздушна одбрана уништија повеќе од десет руски беспилотни летала што во текот на ноќта го нападнаа Киев, соопшти денеска украинската војска.

Воената управа на Киев на мрежата Телеграм објави дека нема непосредни извештаи за штети или жртви во нападот со дронови и дека денеска ќе бидат објавени дополнителни информации за нападот.

„Дроновите летаа од различни правци кон Киев. Тревогата за воздушен напад во градот траеше повеќе од три часа“, изјави шефот на воената управа на Киев, Сергеј Попко.

Очевидци потврдија дека во текот на ноќта се слушнале експлозии во Киев, како и дека дејствувале украинските единици за противвоздушна одбрана. Засега нема коментари од Русија за овој напад.

Свет

Претседателски избори во Романија, најголеми шанси има десничарскиот кандидат

Романците денеска избираат нов претседател од 13 кандидати.

Романците денеска избираат нов претседател од 13 кандидати, а најголеми шанси имаат премиерот Марсел Чолаку, кој е поддржан од најголемата романска партија - Социјалдемократската партија и лидерот на десничарската Алијанса за обединување на Романците, Џорџ Симион.

Право на глас имаат нешто повеќе од 18 милиони Романци, а во странство живеат над 989.000 гласачи. Гласањето во странство почна завчера.

Најмладиот кандидат за претседател на Романија има 37 години, најстариот - 66. Меѓу нив има искусни политичари и претставници од различни професии - ветеринари, новинари и адвокати, поранешен генерал и поранешен офицер.

Главен фаворит на претседателските избори е актуелниот премиер Чолаку.

Гласањето ќе заврши во 21 часот по локално време.