„Володимир Александрович Зеленски, 25 јануари 1978 година. Се бара според членот од Кривичниот законик“, пишува во базата на податоци на веб-страницата на Министерството. Не е прецизиран членот по кој е издаден налогот за апсење на украинскиот лидер.

Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.

Радио Спутник пишува дека Русија распишала и потерница за Валериј Залужни, поранешен врховен командант на украинските вооружени сили.

Да потсетиме, Меѓународниот суд во Хаг издаде налог за апсење на Владимир Путин во март минатата година. Хашкиот суд издаде налог за апсење на рускиот претседател поради сомнение дека е одговорен за нелегална депортација на деца и илегално пренесување на луѓе од територијата на Украина во Руската Федерација.

Велика сабота, ден на кој според Христијанското учење се спојува тагата за Исусовото распнување и радоста која ќе следи за Неговото воскресение. Денеска православните верници ги прават последните подготовки пред вечерашното прославување на најголемиот христијански празник – Велигден. Тие уште наутро ги посетуваат храмовите каде со желби за здравје, среќа и мир ја слушаат литургијата и се причестуваат.

Здравје прво за сите па за другото не сме многу за жалење.

Најубав ден што може да постои, среќа и само убави работи да се случуваат, мир.

Радост среќа, здравје се за мене значи. Секоја година откако знам за себе јајца фарбам, во црква одам

Тие се за мене сите најубави празници, 00:57 Се нека даде Господ убаво, здравје Велигден да биде за секого.

Велика сабота е втор ден на тага, жалост и молк за Христијаните. Отец Антонио Апостолски објаснува дека Велика сабота е ден на покојот и на исчекувањето, време кога верниците се одаваат на пост и молитва, чекајќи го Христовото воскресение- Велигден, кој според Христијанските преданија е триумф на животот над смртта и доброто над злото.

„Целиот ден се одаваме на некој начин на молитви, на пост, доаѓаме во црквата, одаваме чест на настаните кои што се случиле и всушност се трудиме да бидеме во една духовна молитвена атмосфера која што после тоа ќе се претвори во радост затоа што ќе го дочекаме за неколку часа Христовото воскресение.“

Христовото воскресение – Велигден верниците вечерва го дочекуваат во црквите. Секој од нив со себе носи црвено велигденско јајце. Пред полноќ сите присутни три пати ја обиколуваат црквата, а точно на полноќ си подаваат рака со поздравот „Христос воскресе“, „Навистина воскресе“. Потоа верниците традиционално се кршат со вапсаните велигденски јајца со што завршува 7 неделниот пост.

Четиримесечните воени вежби на НАТО во близина на границите на Русија, наречени „Непоколеблив бранител“, се доказ дека Алијансата се подготвува за потенцијален конфликт со Русија, изјави портпаролката на руското Министерство за надворешни работи, Марија Захарова.

Захарова неделава ги отфрли обвинувањата на НАТО дека Русија води хибридна војна против нејзините членки, тврдејќи дека тоа е дезинформација со цел да се одвлече вниманието од активностите на алијансата.

„НАТО е тој што води хибридна војна против Русија, поддржувајќи ја Украина со оружје, разузнавачки информации и финансии, рече таа.

„Во моментов, најголемата вежба на НАТО од Студената војна, Непопустлив бранител, се одржува во близина на руските граници. Според нивното сценарио, акциите на коалицијата против Русија се практикуваат со користење на сите инструменти, вклучително и хибридно и конвенционално оружје“, продолжи Захарова.

„Мора да признаеме дека НАТО сериозно се подготвува за потенцијален конфликт со нас“, рече Захарова.

Најавувајќи го почетокот на вежбите во јануари, НАТО најави дека на нив ќе учествуваат 90.000 војници, кои ќе го вежбаат сценариото како американските сили да им помагаат на Европејците во земјите кои граничат со Русија и на источното крило на алијансата доколку конфликтот се разгори.

Вежбите ќе траат до мај, пишува Ројтерс.