Уште откако го објави синглот „ Bodak Yellow “ пред неколку години, стана вистинска хит фабрика. Пред нејзиниот успех во музичката индустрија, беше телевизиска и ѕвезда на интернет.
Судејќи според неодамнешната серија на нејзини објави на Твитер, Карди Би се заситила од славата на шоубизнисот и сега го сврте вниманието кон политиката.
„Мислам дека сакам да бидам политичар. Навистина ми се допаѓа политиката, иако не се согласувам со неа“, напиша на еден од нејзините неодамнешни твитови.
Раперката објасни дека е убедена дека успешно ќе победи во трката за место во американскиот Конгрес затоа што има многу идеи кои имаат смисла. Нејзиниот план е да се врати на училиште и неколку години да му се посвети на своето образование.
Ова не е прв пат Карди Би да покаже интерес за политиката, пренесува УНИЛАД. Минатото лето, таа разговараше со сегашниот американски претседател Доналд Трамп и со Берни Сандерс, сенатор и претседателски кандидат. Берни Сандерс објави видео од нивниот разговор на неговиот канал на „Јутјуб“.
Ако се прашувате зошто сериозен аспирант за највисоката политичка функција во САД разговара со еден рапер, одговорот лежи во огромниот број следбеници што Карди Би ги има на своите социјални мрежи. Речиси 58 милиони корисници ја следат само на Инстаграм.
Останува да се види колку е сериозна Карди Би во нејзината намера да се кандидира за Конгресот и успешно да ги претвори своите следбеници и фанови во гласачи.