Каталонскиот лидер бил уапсен од италијанската погранична полиција на аеродромот Алгеро, откако во четвртокот вечерта пристигнал на Сардинија, што ги разгневи каталонските сепаратисти и стотици од нив во петокот протестираа пред италијанскиот конзулат во Барселона.

Поранешниот претседател на Каталонија тогаш беше пуштен од затвор, а денеска ја напушти Италија, до следното рочиште на 4 октомври.

Имено, италијанското правосудство допрва треба да одлучи за шпанското барање за екстрадиција во Мадрид, кој сака да му суди за обидот за отцепување на Каталонија во 2017 година.

Пуџдемон, член на Европскиот парламент, рече претходно дека ќе дојде на седниците на ЕП во Брисел со авион и дека следниот понеделник ќе се врати во Сардинија за да присуствува на рочиштето во Апелациониот суд.

Судијката во Сардинија го ослободи со образложение дека не претставувал безбедносен ризик и дека не постои ризик од бегство, свикувајќи рочиште за една недела. Таа нагласила дека неговото апсење на аеродромот Алгера било легално.

На следното рочиште треба да се дознае дали ќе биде екстрадиран во Шпанија.

Шпанија го обвинува 58-годишниот Пуџдемон за бунт, бидејќи помогнал да се организира референдум за независност на таа провинција во 2017 година, кој беше прогласен за незаконски од шпанските судови.

Каталонецот избега од Шпанија во 2017 година, а неговите колеги пратеници беа осудени на затворски казни од девет до 13 години. Тие беа помилувани во јуни годинава.