Имено, ова е одлука на јужнокорејскиот суд, кој пресудил дека Шредер предизвикал развод на неговата сегашна сопруга Сојеон Шредер-Ким и нејзиниот поранешен сопруг, пластичен хирург.
Предметниот господин пред судот изјавил дека се согласил на развод од неговата поранешна сопруга во 2017 година под услов таа да ја прекине врската со Шредер. Но, само една година подоцна Сојеон Ким се омажила со поранешен германски канцелар.
Шредер Ким ги негирала обвинувањата и рекла дека бракот со нејзиниот поранешен сопруг „веќе бил завршен“ до моментот кога таа се сретнала со Шредер.
„Тогаш веќе живеевме одделно“, рекла Сојеон Ким.
Патем, поранешниот канцелар и поранешен лидер на германските социјалисти имал прилично бурен љубовен живот. Шредер-Ким е веќе неговата петта сопруга, а Герхард е 24 години постар од Сојеон.
Двајцата се сретнале на конференција во Сеул во 2015 година, каде Шредер-Ким работела како преведувачка. Во тоа време таа сè уште била мажена. Четири години подоцна, нејзиниот поранешен сопруг го тужел поранешниот германски канцелар, истакнувајќи дека аферата на Шредер со Сојеон му го уништила бракот.
Прељубата била нелегална во Јужна Кореја до 2015 година, а казната за „брачна неверност“ може да биде до две години затвор. Пред да се смени законот, според него биле осудени дури 53 000 граѓани на Јужна Кореја. Денес, судската рамка е таква што прељубата може да биде причина за поднесување граѓанска тужба.
- Ако бракот, кој го склучив на многу млада возраст, се раскине и заврши со развод, причината за тоа лежи во брачните другари. Ова е особено точно во случај кога обете страни живеат одвоено подолго време, што беше случај во мојот брак. Затоа, никој не треба да обвинува трета страна за раскинувањето на бракот, изјавила Шредер-Ким пред три години.
Герхард Шредер бил на чело на Германија дури 7 години (1998-2005), а откако ја напушти позицијата полека се претвори во прилично контроверзна фигура. По напуштањето на политиката, заработил милиони евра работејќи во руски енергетски компании. Покрај тоа, тој има изградено добри врски во Москва поради што често го обвинуваат за лобирање кон Путин, што Шредер го негира.
Така, тој застанал на страната на Русија по анексијата на Крим во 2014 година и ги довел во прашање обвинувањата на лидерот на руската опозиција, Навални, дека Кремљ стои зад неговото труење. Самиот Навални го опиша Шредер како „човекот на Путин“.
Од друга страна, љубовниот живот на Шредер е омилена мета на германските таблоиди кои го нарекуваа „Ауди“ поради неговите четири брака (логото на Ауди има четири поврзани кругови), сè додека не се ожени по петти пат, пишува Дејли телеграф.