Полскиот судија Шимон Марчинијак, кој во реваншот од полуфиналето на Лигата на шампионите го оштети Баерн во судиското продолжение против Реал Мадрид и го чинеше испаѓање, требаше да биде еден од клучните судии на УЕФА на претстојното Евро, но поради оваа грешка го загуби тој статус, пишува Daily Mirror.

Марчинијак, длабоко во судиското надополнување, ја прекина акцијата од која Де Лигт погоди за израмнување, со што натпреварот ќе дојдеше во продолженија, иако протоколот предвидува дека линискиот стручњак треба да ја пушти оваа ситуација до крајот, а потоа, доколку се постигнува гол, потоа со помош на ВАР се одредува дали имало офсајд.

Судијата овде не го направи тоа и затоа играчите на Баерн и тренерот Томас Тухел целосно ги загубија нервите, а УЕФА е незадоволна и од одлуката на Марчинијак и неговиот линиски судија Томаш Лискиевич и им подготвува санкции.

Марчинијак судеше многу големи натпревари, вклучувајќи го и финалето на Светското првенство во Катар, а требаше да го суди и на отворањето на Еврото меѓу домаќинот Германија и Шкотска, но УЕФА сега има намера да му ја одземе таа чест. Нејасно е дали забраната ќе трае во текот на целото Евро или Марчинијак ќе добие шанса во подоцнежна фаза од натпреварувањето.

Како што пренесува „Бизнис инсајдер“, цената на овој популарен оброк е повеќе од двојно зголемена поради зголемената инфлација, поради што германската левичарска партија (Die Linke) му предложила на канцеларот Олаф Шолц неговата цена да биде ограничена.

Германскиот канцелар постојано ја отфрли можноста за воведување ценовни ограничувања и владина интервенција на пазарот.

Doner kebab, one of Germany's favorite fast foods, is no longer as affordable as it used to be. Would a price cap help solve the problem? pic.twitter.com/cGkZydRiaI

— DW News (@dwnews) May 8, 2024

Во Германија, која има над 83 милиони жители, годишно се продаваат околу 1,3 милијарди порции ќебапи, чија просечна цена е околу осум евра. Пред две години просечната порција донер беше околу четири евра.

„Владата мора да интервенира за да спречи донерот да стане луксузна храна за богатите“, вели Кети Гебел, портпаролка за младински прашања во германската левичарска партија.

The German Left Party calls for kebabs to be subsidised.

It reportedly proposed that state funds be used to cap the price of this de facto national dish at €4.90 and €2.50 for young people. pic.twitter.com/hrFOSyQSMQ

— Visegrád 24 (@visegrad24) May 7, 2024

Оваа партија планира да и предложи на Владата цената на донерот да се ограничи на 4,9 евра, односно 2,9 евра за студентите и младите кои имаат недоволни приходи, а владата би обезбедила субвенции за цената. Владата во Берлин во февруари објави дека цените на храната во земјата растат поради поскапувањето на енергијата и зголемувањето на платите.

„Високата кирија на простории, енергија и храна се најголемите трошоци на продавниците за донер. Доколку се намалат, ќе падне и цената на донерот. Цената на донерот ќе остане висока ако владата не преземе ништо“, вели Кети Гебел.

За овој проблем претходно зборуваше и германскиот канцелар Олаф Шолц. Тој изјави дека секогаш каде и да оди ги прашува младите за промената на цените на донерот.

„Разговарајте со Путин, платив осум евра за донер“, му дофрлил еден од случајните минувачи во 2023 година.

Канцеларот Шолц претходно ја отфрли можноста за владина интервенција и поставување на ценовни лимити. Тој ја пофали Европската централна банка за борбата против инфлацијата. Сојузниот завод за статистика соопшти дека инфлацијата во Германија се зголемила за 5,9 отсто во 2023 година, а цените на енергијата се зголемиле за 5,3 отсто минатата година. Како резултат на тоа, цените на енергијата во Германија се зголемија за 29,7 отсто до 2022 година.

Студијата спроведена во Шкотска во 2009 година покажа дека донерот е меѓу најнездравите оброци на таканаречената улична брза храна. Имено, студијата покажала дека просечниот донер ќебап содржи 98 отсто од препорачаниот дневен внес на сол за возрасни и дури 150 отсто од препорачаниот дневен внес на заситени масти за возрасен.

Три дена по изборите, челниците на ВМРО-ДПМНЕ и Коалицијата „Вреди“, го направија првиот чекор - одржаа состанок за да разговараат за формирање на владина коалиција. Идниот мандатар Христијан Мицкоски заедно со партиските потпретседатели, отиде во штабот на албанската коалиција на плоштадот Скендербег, кадешто го пречекаа четворицата партнери – Меџити, Гаши, Касами и Таравари. На влегување лидерот на ВМРО-ДПМНЕ даде само краток коментар за медиумите.

„Прва средба за запознавање.“

По состанокот од неговата партија испратија соопштение за исходот.

„Договорени се општите начела на соработка за идната влада, која ќе се базира на три постулати: евроинтеграции, забрзан економски развој, борба против криминалот и корупцијата и владеење на правото. Заклучено е дека двете страни ќе формираат работни групи, на кое ниво ќе продолжат разговорите до нивно финализирање.“

И од ВМРО-ДПМНЕ и од „Вреди“ претходно ги демантираа низата шпекулации дека меѓу двете страни изминативе денови веќе имало поделба на ресори и директорски места.

Пред два дена пак Мицкоски во Само интервју кажа дека очекува конструктивен дијалог со партнерите и дека распределбата на функциите ќе соодвествуваа на реалноста, а не на фантазиите.

Според неговите очекувања, до конституирањето на Собранието најдоцна до 28 мај, има можност неговата партија од 58 да порасне до 61 пратеник, со поединци од другите коалиции. Лидерот на ВМРО-ДПМНЕ очекува владино мнозинство од 74-75 пратеници, но најави разговори и со останатите партии за да се обезбеди двотретинско мнозинство неопходно за системски реформи.