„Партнерите на Светскиот Конгрес внимателно ја следат состојбата со коронавирусот и воведуваат мерки за да се минимизира какво било потенцијално влијание врз World ATM Congress 2020 година“, се вели во соопштението на конгресот.
„Конгресот ќе се одржи според планираното, од 10-12 март, во Мадрид“.
Соопштението беше објавено откако во Барселона беше откажан Светскиот Конгрес за мобилни телефони (MWC), годишната конференција на технологијата и телекомуникациската индустрија која носи повеќе од 100.000 посетители. Саемот беше откажан поради масовното откажување на изложувачите кои се плашат од можна инфекција со вирусот од Кина. Требаше да се одржи од 24 до 27 февруари.
Шпанските здравствени власти велат дека нема причина да се откажат настаните во Шпанија.
Менаџментот на World ATM Congress соопшти дека ќе биде преземена секоја претпазливост за изложувачите и посетителите да бидат во „безбедно и здраво опкружување“ и ги следи препораките на Светската здравствена организација (СЗО), центрите за контрола и спречување на болести (ЦДЦ), како и шпанските власти.
Организаторот очекува зголемување од 10% на бројот на посетителитете во однос на минатата година и повеќе од 250 излагачи.
На посетителите, изложувачите и персоналот на штандовите ќе им бидат поделени здравствени брошури, а дополнително ќе бидат засилени мерките со чистење и дезинфекција на местата за храна, тоалетите, местата за состаноци и влезови и излезите од просториите, се вели во соопштението. На посетителите ќе им бидат обезбедени санитарни и средства за дезинфекција. Покрај тоа, на саемот ќе има и дежурна медицинска служба.