Двајцата лидери направија мала пауза пред повторно да се сретнат во поширок состав, јави новинската агенција РИА.
Американскиот и рускиот претседател одржуваат самит во Женева.
На влезот пред вилата застанаа заедно со швајцарскиот претседател Гај Пармелин, кој им посака плодни разговори во интерес на нивните две земји и на светот.
„Ви посакувам плоден дијалог во интерес на вашите две земји и светот“, рече Пармелин пред вилата, а Бајден и Путин стојаа лево и десно. Тој истакна дека е чест и задоволство за Швајцарија да биде домаќин на самитот во Женева, „градот на мирот“.
Швајцарија силно лобираше за домаќин на самитот Бајден-Путин, а Женева има долга историја на разни самити.
Пред да влезат во вилата, двајцата претседатели се ракуваа.
Вториот дел од состанокот е во проширен состав и вклучува голем број асистенти на двајцата лидери, за разлика од првиот состанок, на кој присуствуваа само Бајден, Путин, државниот секретар на САД, Антони Блинкен и рускиот министер за надворешни работи Сергеј Лавров и преведувачите.
Средбата се очекува да трае неколку часа, а Бајден по состанокот ќе одржи посебна прес-конференција.
Вториот дел од состанокот на Џо Бајден и Владимир Путин во Женева започна по пауза од 45 минути, потврди претставник на Белата куќа пред новинарите.
Првиот круг разговори меѓу рускиот претседател Владимир Путин и американскиот претседател Џо Бајден заврши по скоро два часа, јави агенцијата ТАСС, цитирајќи го портпаролот на Кремљ, Дмитриј Песков.
Двајцата лидери ќе направат мала пауза пред повторно да се сретнат во поширок состав, јави новинската агенција РИА.
Белата куќа објави дека првиот дел од средбата Путин-Бајден е завршен. Траел нешто помалку од два часа, иако било планирано да трае 1 час и 20 минути.
Вториот дел од состанокот е веќе започнат.