Судскиот процес започнал десет месеци по тој трагичен настан што ја потресе јавноста во земјата.
На Кристијане К. ќе и се суди за пет убиства на судот во Вупертал, во западна Германија. Таа се соочува со казна доживотен затвор.
28-годишната жена досега тврдела дека е невина и мотивот за убиствата допрва треба да се утврди, соопштила канцеларијата на државниот обвинител. На првото рочиште, таа решила да се брани со молчење. Не и било дијагностицирано никакво ментално нарушување. Трагедијата се случила на 3 септември во семејната куќа во Солинген.
Според обвинението, мајката им ставила дрога во пијалоците на децата за појадок за да ги заспие. Потоа ја наполнила кадата со вода и им ги подготвила играчките за да го привлече нивното внимание. Потоа ги разбудила и ги однела едно по друго во бањата, каде што се задушиле и ги задавила.
Потоа ги завиткала со крпа и ги легнала на креветот, каде биле пронајдени безживотни тела на трите девојчиња на возраст од 1, 2 и 3 и две момчиња на возраст од 6 и 8 години.
Жената се фрлила под воз тој ден на железничката станица во близина на Дизелдорф, но го преживеала обидот за самоубиство.
Најстариот син, кој тој ден отишол рано на училиште, ја избегнал судбината на неговите браќа и сестри.
Мајката, која оттогаш е во притвор, рекла дека маскиран маж влегол во нејзиниот стан и ги убил нејзините деца. Но, не биле пронајдени докази што го поддржуваат ваквото тврдење. Нејзината мајка, на која и напишала дека децата се мртви, повикала полиција. Судењето се очекува да трае најмалку до средината на август.