Македонија

Почна обуката за пилоти на нова група кадети

Новата група кадети започна со обука во Центарот за обука на пилоти во Скопје.

Како што посочи министерката за одбрана, Радмила Шекеринска која денеска беше во работна посета на Ценаторт, младите пилоти додека се на школување, ќе примаат плата.

Министерката појасни дека на овој начин на идните пилоти ќе им се реши еден од нивните егзистеницјални проблеми, ќе им се подобри животот, ќе им се подобри квалитетот на образование, но ќе стимулира и други полесно да се приклучат во овој процес.

Наредниве шест недели, Шекеринска инфоримира дека речиси 60 пилоти од полската Армија ќе добијат обука на симулатори во Центарот за обука, а во следниот период допилнително 30 пилоти на бугарската Армија ќе го сторат истото.

– Центарот за обука на пилоти се повеќе стекнува и меѓународна репутација. Ова покажува дека Република Македонија како одна членка на НАТО веќе има квалитет и знаење кое може да го понуди на сојузниците, изјави Шекеринска.

Посочи дека во следниот период ќе се инвестира во различните системи, противвоздушна опрема, заштита на војниците, делот на хелихоптерските единици ќе ги трансферираат на таканаречената Западна или НАТО платформа.

-Најголемиот дел од младите ќе летаат со постоечките хелихоптери, но ќе бидат дел и од хелихоптерски единици кои што ќе бидат целосно компатибилни со НАТО, и ќе ги имаат најмодерните опреми и хелихоптери кои што се присутни на пазарот, рече министерката.

На прашање колку нашата Армија има капацитет да помогне на НАТО, таа рече дека ние имаме бројка која што ги задоволува нашите потреби, но не е доволна за тие потреби се пренесат и испорачаат дури и на НАТО.

– Ние и во декларираните единици имавме еден хелихоптерски дел, меѓутоа досега никогаш не беше искористен. Еден од проблемите е бројката на пилоти, која се уште е ограничена, а вториот проблем е дека во ваквите НАТО операции е потребна поголема интероперебилност. Заради тоа се потребни слични хелихоптери и платформи. Имавме пилоти кои беа дел од мисиите на НАТО, меѓутоа не како пилоти, туку како воени старешини, појасни Шекеринска.

На почетокот на октомври, министерката информира дека ќе започне нов конкурс, и ги повикува сите млади кои имаат страст, и на кои летањето им изгледа привлечно како професија да се пријават, да ги поминат тешките тестирања, меѓутоа да ја добијат сатисфакцијата да бидат едни од елитните едници во нашата Армија. /МИА

Свет

Најмалку 93 лица загинаа во поплавите во Кенија

Кенија го одложи отворањето на училиштата за една недела поради последиците од големите поплави предизвикани од обилните дождови кои ја погодија оваа источноафриканска земја од средината на март и досега однесоа речиси 100 животи.

Се проценува дека 93 лица загинаа во поплавите, а се очекува бројот да се зголеми откако синоќа се преврте брод во северниот округ Гариса.

Кенискиот Црвен крст соопшти дека 23 лица биле спасени од чамецот, но десетици се уште се водат како исчезнати.

Во соопштението на Министерството за образование се наведува дека во поплавите тешко се оштетени некои училишта. Локалните медиуми објавија дека повеќе од 100 училишта се поплавени, а на многу од нив им се урнати ѕидови и покриви.

Сите училишта кои денеска требаше да бидат отворени, го одложија тоа за 6 мај.

Обилни дождови ја погодија Кенија од средината на март, а Одделот за метеорологија на земјата предупредува на опасност од нови врнежи.

Најголем број жртви се евидентирани во главниот град на Кенија, Најроби, каде во вчера беше поплавен и аеродромот. Снимките на социјалните мрежи покажуваат дека се поплавени пистата, терминалот и товарниот дел на аеродромот.

Повеќе од 200.000 луѓе низ земјата се погодени од поплавите, а куќите беа потопени во областите подложни на поплави додека луѓето бараа засолниште во училиштата.

Кенискиот претседател Вилијам Руто побара од Националната служба за млади да обезбеди земјиште за привремени кампови за погодените од поплавите.

Во источноафриканскиот регион се соочуваат со поплави поради обилните дождови, а во Танзанија се пријавени 155 загинати, додека повеќе од 200.000 се погодени во соседен Бурунди. /МИА

Фудбал

Гвардиола: Арсенал повеќе нема да губи бодови, ние ако ремизираме нема да ја освоиме титулата

Тренерот на Манчестер сити, Пеп Гвардиола изјави дека неговиот тим треба да победи на сите преостанати натпревари доколку сака да ја освои шампионската титула во Англиското фудбалско првенство.

- Мислам дека Арсенал повеќе нема да губи бодови. Ова е слично на ситуацијата со Ливерпул во минатото. Нас ни остануваат уште четири натпревари, пат тежок како да се искачиме на висока планина. Ако негде ремизираме, нема да го освоиме шампионатот, изјави Гвардиола.

Манчестер сити е втор на табелата во Премиер лигата со 79 бодови од 34 натпревари. Лидер е Арсенал со 80 бода по 35 кола.

До крајот на првенството, Арсенал ќе игра дома со Борнмут и со Евертон, а ќе му гостува на Манчестер јунајтед.

Сити ќе го пречека тимот на Вулвс и на Вест Хем, а ќе гостува кај Фулам и на Тотенхем. /МИА

Регион

Над 157.000 Грци се пријавиле за поштенско гласање на евроизборите

Пријавувањето за поштенското гласање започна на средината на февруари, а завршува вечерва на полноќ.

За гласање преку пошта на претстојните европски избори на 9 јуни се пријавиле над 157.000 грчки граѓани, од кои мнозинството, односно 116.000 живеат во Грција, а останатите се од дијаспората, објави грчката новинска агенција АНА-МПА, јави дописничката на МИА од Атина.

Пријавувањето за поштенското гласање започна на средината на февруари, а завршува вечерва на полноќ.

Гласањето преку пошта за првпат ќе се спроведе на претстојните евроизбори, а имаат право да се пријават сите грчки граѓани без разлика дали живеат во земјата или во странство.

Според податоците што ги објави АНА-МПА, интересот за новиот начин на гласање е висок кај сите старосни групи, додека пак од дијаспората се пријавиле граѓани кои живеат во 115 земји,

Грците кои живеат во странство ќе гласаат исклучиво преку поштенско гласање, додека гласачите во внатрешноста на земјата ќе можат да одберат како ќе го остварат правото на глас или на избирачките места како досега или со гласање по пошта.

Избирачкиот материјал, по пошта ќе биде испратен до гласачите на нивната адреса, кои откако ќе гласаат, ќе треба гласачките ливчиња да ги испратат најдоцна до сабота 8 јуни, односно денот пред изборите.

Ковертот со гласачкиот материјал од Министерството за внатрешни работи ќе биде испратен до гласачите најдоцна до 15 дена пред изборите и ќе содржи коверт, гласачко ливче, упатства и сл. /МИА

притисни ентер