Култура

Почна најголемата културна операција - Делата на Леонардо да Винчи патуваат во Лувр

Италијанскиот правен систем вчера го отфрли барањето за забрана и одобри делата на Леонардо да Винчи да бидарт префрлени во Лувр на зиложба , а меѓу нив и најславниот цртеж на ,,Човекот од Витрувиј” .

По повод 500. годишнина од смртта на големиот уметник, во Лувр ќе биде отворена најгоелмата до сега изложба со сите достапни дела на овој најголем ренесансен мајстор и изумител.

,,Големата италијанско-француска културна операција на две изложби: на Леонардо во Париз и Рафало во Рим сега може да започне“, објави италијанскиот министер за култура Дарио Франческини на Твитер.

Италијанското судство во средата го одобри зајмувањето на неколку дела на Леонардо на парискиот Лувр, меѓу кои и цртежот ,,Човек на Витрувиј”, отфрлајќи го барањето на италијанската Ностра во кое се бараше цртежот да не ја напушти Италија.

Судот пресуди дека тврдењето на тоа здружение за заштита на културното наследство не било доволно јасно.

Според договорот потпишан од француските и италијанските министри за култура, Рим ќе му позајми на музејот во Париз пет дела на Леонардо да Винчи за големата изложба во знак на сеќавање на петте векови од смртта на мајсторот на ренесансата (1452-1519), што ќе се одржи во Лувр од 24 октомври до 24 февруари 2020 година.

Покрај ,,Човекот од Витрувиј”, чуван во „Галерија дел Академија“ во Венеција, во Париз ќе има вкупно седум дела, покрај 13 други претходно одобрени од други италијански музеи.

За возврат, петте дела на Рафало - две слики и три цртежи ,кои се чуваат во Франција ќе бидат позајмени за изложбата на делата на Рафаело во палатата Квиринале во Рим во март 2020 година.

Претходната италијанска влада, во која екстремно десничарската партија Лига Матео Салвини имаше големо влијание, не беше склона да подарува дела за изложбата во Лувр и инсистираше на тоа дека Леонардо да Винчи е првенствено Италијанец, иако во последните три години од животот живеел во Франција на покана на кралот Френсис I.

Заменик министерот за култура во поранешната влада, Лусија Боргонзони, блиска до Салвини, во тоа време рече дека Леонардо бил „голем Италијанец иако неговите браќа од другата страна на Алпите сакале да го претстават како Французин“.

Цртежот ,,Човекот од Витрувиј” , именуван според античкиот римски архитект Витрувиј, прикажува човек во две позиции што се преклопуваат, со продолжени раце и нозе, со круг и квадрат опишани околу нив. Овој цртеж, наречен Закон на пропорциите на човекот, само повремено се прикажува во јавноста.

Свет

Уапсени се тинејџери во Германија- на мобилните имале упатства за составување бомби

Четворица тинејџери биле уапсени за католички Велигден во Германија под обвинение дека подготвувале напади со исламистичко потекло, информирајќи се за склопување на експлозивни направи, објавија денеска германските медиуми.

„Обвинетите се подготвувале за напади со експлозивни направи кои првенствено служат за ширење оган и за напади со мачети“, известува јавниот сервис WDR, повикувајќи се на извори во истражните кругови.

При анализата на податоците на мобилните телефони на четворицара малолетници, уапсени во април под сомнение дека подготвувале напад со исламистичка позадина, пронајдени се упатства за составување експлозивни направи.

При претресот во станот на еден од осомничените биле пронајдени нож и мачета. Во исто време, како што се наведува, не се пронајдени информации за можни конкретни цели, туку како места на можни напади се споменуваат само градови како Келн, Дизелдорф, Дортмунд и Штутгарт.

Четири малолетници на возраст од 15 и 16 години, од кои три се момчиња и едно девојче, се уапсени во сојузните покраини Северна Рајна-Вестфалија и Баден Виртемберг откако Канцеларијата за заштита на уставниот поредок ги следела активностите на еден од осомничените на форуми каде што се собрани од исламистите и поддржувачите на т.н исламски држави.

Во последно време исламистите, меѓу другото, поради зголемениот број на пропалестински протести кои често ги организираат забранети организации поврзани со Хамас, повторно станаа во центарот на вниманието на истражните органи.

Минатиот викенд во Хамбург се одржа протест на кој отворено се повика на воведување шеријат во Германија, поради што на удар е министерката за внатрешни работи Ненси Фезер.

Македонија

Двајца загинати во тешка сообраќајна несреќа на патот Радовиш-Штип

Во сообраќајната несреќа што се случи на магистралниот пат Радовиш-Штип загинаа двајца возачи, а сопатничка од едното возило е пренесена во штипската Болница.

Веста за МИА ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.

- На местото на несреќата починале возачите на двете возила, а сопатничка од патничкото возило „опел" е пренесена во Медицински центар Штип, изјави Трајанова.

Увид на местото на несреќата врши јавен обвинител, а сообраќајот се пренасочува по стариот пат.

Од полицијата повеќе детали за несреќата најавуваат за утре.

Свет

Во ЕУ 7,1 отсто од вработените работат 49 или повеќе часа неделно, најмногу во Грција

Во Европската унија во 2023 година, 7,1 отсто од вработените работеле 49 или повеќе часа неделно, што спаѓа во долго работно време, покажуваат податоците објавени од Евростат.

Од земјите на Европската унија најголем удел на работници со долго работно време има Грција, поточно 11,6 отсто, потоа Кипар со 10,4 отсто и Франција со 10,1 отсто.

Најмал удел на вакви работници е забележан во Бугарија, 0,4 отсто, како и во Литванија и Летонија, по 1,1 отсто.

Речиси една третина од самовработените или поточно 29,3 отсто од оваа категорија работат 49 или повеќе часа неделно, додека кај вработените овој процент е значително помал и изнесува 3,6 отсто.

Долгите работни часови најчесто се застапени кај квалификуваните работници во земјоделството, шумарството и рибарството, како и кај менаџерите.

Како што пренесува порталот Статиста, вработените со полно работно време во Европската унија во првиот квартал од 2023 година работеле во просек по 40,4 часа неделно.

притисни ентер