Живот

По смртта на Томико, калуѓерката Ина е најстарата личност во светот со 116 години

Најстарата личност на светот досега беше Томико Итока, кој почина на 117-годишна возраст.

Кога почина, баба Ина Канабаро Лукас, калуѓерка од Бразил, позната и како сестра Ина, го зазеде местото на најстара личност на светот.

Ина Канабаро Лукас е родена на 8 јуни 1908 година, но нејзините години не ја „слават“ само денес како суперстогодишник. Имено, таа е и најстарата жива калуѓерка од смртта на Лусил Рандон на 17 јануари 2023 година.

Сестрата Ина е родена во Сао Франциско де Асис, Рио Гранде до Сул, Бразил. Работела како воспитувачка во градинка во средното училиште Санта Тереза ​​де Жезус, а му предавала и на Жоао Фигуеирдо, 30-тиот претседател на Бразил. Дополнително, таа е правнука на генералот Дејвид Канабаро, кој се борел во Рагамафинската војна. Папата Франциско ѝ испрати честитка по повод нејзиниот 110 роденден.

Таа стана најстарата жива личност во Бразил по смртта на Антонија да Санта Круз (1905–2022) на 23 јануари 2022 година. Во мај 2023 година, локалната надбискупија го прослави нејзиниот 115-ти роденден.

Свет

Сирискиот министер за надворешни работи во официјална посета во ОАЕ

Новоназначениот министер за надворешни работи на Сирија, Асад Хасан Ал Шибани, пристигна во Обединетите Арапски Емирати (ОАЕ) како дел од регионална турнеја што ги вклучи Саудиска Арабија и Катар.

Ал Шибани е придружуван од министерот за одбрана Мурхаф Абу Касра и шефот на разузнавачките служби Анас Хатаб. За време на посетата, Ал Шибани изрази надеж за градење на „конструктивни односи“ меѓу Сирија и ОАЕ.

Сириските власти бараат поддршка од земјите од Персискиот Залив за обновата на земјата по повеќе од 13 години војна. Емиратите беа меѓу првите што го поддржаа враќањето на Сирија во Арапската лига во 2023 година. /МИА

Свет

Зеленски: Прво договор со Трамп, потоа преговори со Путин

Украинскиот претседател Володимир Зеленски изјави дека прво сака да се сретне со идниот американски колега Доналд Трамп за да договорат мировен план пред да започнат какви било преговори со рускиот лидер Владимир Путин.

- Прво со Трамп. Ќе се договориме со него како да ја завршиме војната, како да го запреме Путин, изјави Зеленски во тричасовно интервју со американскиот поткастер Лекс Фридман. Тој нагласи дека е „многу важно Европа да има глас“ во овие дискусии.

Зеленски смета дека гаранциите за безбедност на Украина ќе бидат ефикасни само доколку ги обезбедат САД, нагласувајќи: „Без САД, гаранции за безбедност не се возможни. Такви гаранции се потребни за да се спречи руска агресија.“

Украинскиот претседател истакна дека предложил замрзнати руски средства во вредност од 300 милијарди долари да бидат искористени за купување американско оружје, пренесува Укринформ./МИА

Македонија

Честитка од претседателката Сиљановска-Давкова по повод Божиќ

Честитка од претседателката Сиљановска-Давкова по повод големиот христијански празник Христовото раѓање – Божиќ.

Претседателката Гордана Сиљановска-Давкова, по повод големиот христијански празник Божиќ, упати честитка до сите граѓани кои го прославуваат денот на Христовото раѓање, до архиепископот охридски и македонски и на Јустинијана Прима, господин господин Стефан и до претседателот на Црковното претставништво на Евангелско – методистичката црква, Емил Заев.

Почитувани,

Имам особено задоволство и чест на сите граѓани кои го прославуваат денот на Христовото раѓање, да ви го честитам големиот христијански празник – Божиќ и да ви посакам да го поминете во добро здравје, исполнети со радост и среќа.

Божиќ беше, е и останува за навек возвишен и светол христијански празник, симбол на животот, љубовта, почитта и солидарноста.

Христовото раѓање нè учи и инспирира како да сакаме, да шириме мир и хармонија, да им помагаме на беспомошните, безрезервно да даваме поткрепа и нудиме утеха.

Божиќ ја симболизира животворноста на верата и надежта, како суштински за човековата природа.

Да ги отвориме и на овој божиќен ден срцата за сите луѓе, да се обидеме да ја разбереме сечија потреба за среќа, да придонесеме за општествената благосостојба. Да го послушаме пастирскиот повик на Македонската православна црква и да влеземе во божјите храмови за да ја засилиме личната и националната духовност.

Христос се роди!

Гордана Сиљановска-Давкова

притисни ентер