Свет

По Хонг Конг и Макао ги прекина врските со Тајван

Макао денеска соопшти дека ја затвора својата мисија во Тајван, откако Хонг Конг истото го стори минатиот месец, во знак на протест против поддршката на Тајпеј за продемократски активисти, јавија француските медиуми.

Хонг Конг и Макао се полуавтономни кинески градови, иако надворешната политика е целосно во рацете на Пекинг, а централната влада во последните неколку години се понагласено и директно се вклучува во управувањето со двете поранешни колонии.

Во краткото соопштение, Макао информира дека од 19 јуни прекинува работата на неговата економска и културна делегација во Тајван.

Како одговор на оваа одлука, тајванскиот Совет за континентални врски изрази „длабоко жалење за едностраната одлука на владата на Макао", соопштувајќи дека ќе ја остави отворена својата канцеларија во кинеската енклава позната по хазардот.

Макао не објасни зошто ги презеде овие активноти, но формулацијата е речиси идентична со соопштението на Хонг Конг од минатиот месец, кое потоа доби потврда од владата на Хонг Конг дека затворањето е навистина политичко.

Тајван, соопшти тогаш Хонг Конг, постојано се „мешал" во работите на градот и „им нанел непоправлива штета на односите".

Хонг Конг и Макао го почитуваат авторитарниот став на Кина дека демократски Тајван е дел од нејзината територија и мора да се освои еден ден, доколку е потребно и со сила.

Шоу биз

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Фудбал

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Фудбал

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.