Близу нас е и Албанија, а за нијанса подобри примања имаат србите.
Просечната плата таму е 442 евра, во Босна и Херцеговина изнесува 440 евра,во Црна Гора 512 евра, Хрватска 832 евра, Словенија 1.077 евра.
Граѓаните кај нас велат, месечните примања не се доволни. Не го задоволуваат животниот стандард.
Просечната нето плата во месец мај порасна за 7,1 отсто во однос на истиот месец лани, објави ДЗС. Изнесува 24 509 денари, и е повисока за 1600 денари на годишно ниво. Вчера, дека платите пораснале се пофали и Владата преку видео обраќање.
Според последните статистички податоци, програмерите се најплатени. Месечните примања неодамна им стигнаа до илјада евра. Втори на листа се вработените во воздухопловството. Најниски примања пак имаат секторите рибарство и аквакултура со просечна плата околу 12 200 денари.