Животот во целибат може негативно да се одрази на комплетната состојба на организмот.
Трејси Кокс е стручњак за интимни односи и вели дека редовното водење љубов може да има позитивно влијание врз здравјето, додека животот во целибат има негативно влијание на здравјето и ја загрозува емотивната врска.
1. Инконтиненција и атак на ткивото на вагината
Кога жената доживува оргазам, се јавуваат контракции на карличното дно, а мускулите се зајакнуваат и ја подобруваат функцијата на мочниот меур, со тоа се намалува можноста за инконтиненција.
Слабото карлично дно не само што го прави оргазмот помалку пријатен, туку влијае и на способноста на жената да го доживее истиот за време на сексуалниот однос. Колку помалку ги користите мускулите, толку контракциите стануваат послаби.
Редовните интимни односи исто така ја зацврстуваат вагината. Недостатокот на интимни односи влијае врз вагиналното ткиво така што тоа станува потенко и поподложно на кинење.
Покрај тоа, доколку немате редовни интимни односи, клиторисот привремено се намалува и ја губи сензитивноста. Атрофијата на клиторисот се јавува како резултат на намалената циркулација во овој дел од женското тело.
2. Главоболки и полошо здравје на срцето
Интимните односи може да бидат и природен лек за болка, бидејќи ендорфинот што го преплавува телото за време на водењето љубов може да помогнат во ублажување на менструалните болки и главоболките.
Акцијата во креветот го зголемува пулсот, го зголемува протокот на крв и придонесува за општото здравје на срцето. Исто така, редовните интимни односи се добри и за трошење на калории - согоруваат од 150 до 200 калории на час.
3. Анксиозност и стрес
Интимните односи ги ублажуваат анксиозноста и стресот така што ги активираат хормоните окситоцин и допамин. Овие хормони го опуштаат нашето тело, го зголемуваат нашето расположение и ја зајакнуваат врската со партнерот.
Исто така, интимните односи го намалуваат нивото на кортизол и адреналин, а тоа, пак, го намалува чувството на анксиозност.
4. Проблеми со спиење и депресивни состојби
Ако одлучите да живеете во целибат, може да имате проблеми со спиењето. Доживувањето оргазам го подобрува квалитетот на сонот и прави да заспиете побрзо.
Покрај зголемениот стрес и анксиозност, апстиненцијата ја зголемува веројатноста за депресија, чувство на неприпадност и недостаток на самодоверба. Интимниот однос еднаш неделно ја подобрува комуникацијата со партнерот, блискоста и поврзаноста, и влијае позитивно на вашето расположение, пишува Дејли Мејл.
5. Слаб имунитет
Луѓето кои имаат редовни интимни односи имаат и појак имунолошки систем. Витаминот Ц е достапен во различни форми и може да биде добра заштита од вируси, но водењето љубов е секако позабавно.
Извор: srecna.republika.rs