Само во октомври, Акитоши Окамото, од градот Касукабе, наводно, го повикал јапонскиот телекомуникациски гигант КДДИ на бесплатниот број 411 пати за една недела за да се пожали дека неговиот телефон не бил во можност да фаќа радио сигнал.
Во последните две години, КДДИ регистрираше околу 24.000 повици од Окамото, или просечно 33 телефонски повици на ден, но корпорацијата поднела тужба против него дури минатата недела, кога фреквенцијата на поплаки станала премногу неподнослива.
Стотиците повици од 71-годишникот во текот на една недела, наводно, им ја опструирало можноста на вработените да им помогнат на другите клиенти на компанијата. Бидејќи не знаеле што да сторат, тие ја повикале полицијата да им помогне да ја решат ситуацијата, пренесува Oddity Central.
Според јапонските медиуми, Окамото понекогаш го повикувал бројот за поддршка само за да ги замоли да „дојдат и да се извинат за непочитување на договорот и неправедните деловни практики“.
Окамото е уапсен и во моментов е под истрага. Тој е обвинет за попречување на деловно работење, јапонски криминал што генерално се дефинира како мешање во способноста на некој редовно да работи.