Објавени се снимки од неидентификувани летачки објекти за да се потврди автентичноста на инцидентите кои се случувале 2004 и 2015 година .
На видата се гледаат неидентификувани летечки објекти кои се движат додека се снимани од инфрацрвени камери. Двете од видеата содржат и реакции од луѓе кои коментираат колку брзо објектите се движат. Еден глас вели и дека може да биде дрон.
Морнарицата претходно ја потврди веродостојноста на видеата во септември минатата година. Тие сега и официјално ги објавуваат, „со цел да се расчистат какви било погрешни сфаќања од страна на јавноста за тоа дали снимките што кружат биле реални, или дали можеби има нешто повеќе од тоа“, вели портпаролот на Пентагон Сју Гоф.
„После темелно разгледување, департментот одлучи дека официјалното објавување на овие снимки не открива никакви чувствителни способности на системот“, вели Гоф во соопштението, „ И не влијае врз било какви последователни истраги за воени упади во воздушниот простор од неидентификувани летечки објекти“.
Морнарицата сега има упатста за тоа како пилотите можат да пријават кога веруваат дека виделе можни НЛОа.
Видеата од Морнарицата се прво објавени помеѓу Декември 2017 и Март 2018 година од страна на „To The Stars Academy of Arts & Sciences“, компанија која е основана од поранешниот музичар на „Blink-182“ Том ДеЛонг кој вели дека ги проучува информациите за неидентификуваните летечки феномени.
Во 2017, еден од пилотите што видел еден од неидетификуваните летечки објекти во 2004 година, изјавил за „Си-Ен-Ен дека се движел на необичнио начини кои не можел да ги објасни.
„Како што се приближував то тоа... почна да забрзува кон југ и исчезна за помалку од две секунди, вели пензионираниот пилот на воената морнарица на САД , Дејвид Фравор.
Пентагон и претходно има проучувано снимки од воздушни средби со непознати објекти како дел од класифицирана програма која била започната по налог на поранешниот сенатор Хари Рид од Невада. Програмата била лансирана во 2007 година и завршила во 2012, според Пентагон програмата е прекината поради други повисоки приоритети за кои било потребно финансирање.
И покрај тоа, Луис Елизано, поранешниот шеф на оваа класифицирана програма, за „Си-Ен-Ен“ во 2017 изјавил дека тој лично верува дека „има многу убедливи докази дека можеби не сме сами“.
„Овие авиони (да ги наречеме авиони) покажуваат карактеристики кои моментално кои ниту САД а ниту други странски земји ги немаат, колку што сме запознаени“, рекол Елизандо за предметите што ги истражувале. Тој рекол дека поднел оставка од Одделот за одбрана во 2017 година во знак на протест поради тајноста на програмата и спротивставувањата за финансирање на истата.
Реид денес на твитер објави дека му е „драго“ што Пентагонофицијално ги објави видеата, но дека „тоа само ја гребе површината на истражувањата и достапните материјали. Американците треба да направат сериозен, научен поглед на ова и какви било потенцијални импликации врз националната безбедност“.