Македонија

Пчеларството во подем и станува семеен бизнис

Пчеларството оди во нагорна линија и е важен елемент во сите сфери на современиот човек. Имаме пчелари од сите бранши и од сите старосни структури. 

Пчеларството станува семеен бизнис. Голем број млади се определуваат да се занимаваат со пчеларство, истакна денеска претседателот на Пчеларската федерација, Јане Марков на отворањето на Пчеларскиот саем на плоштадот „Македонија" во Скопје.

Посочи дека на саемот има 20 изложувачи од сите делови на државата, на штадовите се изложени мед и пчелни производи, а се нуди и пчеларска опрема за потребите на пчеларите. Единаесет пчеларски здруженија, нагласи, активно членуваат во Пчеларската федерација, а членуваат и поединци пчелари.

– Поради климатските промени медот е со намален принос и имаме недостиг на квалитетен македонски мед. Ова е можност граѓаните да дојдат и да го дегустираат вистинскиот мед, истакна Марков.

Во врска со субвенциите рече дека државата преку програмите одвојува 600 денари по презимено пчелно семејство.

– Органското пчеларење е повеќе дефинирано, со тоа што услов во Правилникот е за оние кои имаат над 35 пчелни семејства да може да аплицираат за субвенции, додека ако имаат повеќе од 50 пчелни семејства, а помалку од сто, тогаш субвенциите се 800 денари, додаде Марков.

Пчеларскиот саем го отвори заменик-министерот за земјоделство, шумарство и водостопанство Благе Цветковиќ, кој рече дека според податоците добиени од Агенцијата за храна и ветеринарство, во државата се регистрирани 6.000 одгледувалишта на пчели со над 240.000 пчелни семејства.

– Министерството за земјоделство, шумарство и водостопанство финансиски ги поддржува одгледувачите на пчели. Посочи дека во деловите на органското производство оваа мерка е 50 отсто повеќе. Стратегија на Владата и на Министерството за земјоделство, шумарство и водостопанство е јасна, ќе го поддржуваме максимално пчеларството, додаде Цветковиќ.

Главен покровител на Пчеларскиот саем е Министерството за земјоделство, шумарство и водостопанство, домаќин е Град Скопје, а организатор е Пчеларската федерација. Штандовите денеска ќе бидат отворени до 20 часот, а утре од 8 до 19 часот.

Шоу биз

Брук Шилдс: Ќерките ми се студентки, па сепак спијат со мене во кревет (ФОТО)

Ќерките на актерката Брук Шилдс се студентки, но нивната мајка призна дека и сега понекогаш спијат заедно во кревет.

"Знаете, кога мојот сопруг оди на било каков вид на службено патување или не е дома поради некоја причина, тие сè уште спијат во кревет со мене. Сè уште гледаме романтични комедии заедно. Тие се мои бебиња и секогаш ќе бидат", рече Шилдс за нејзината блиска врска со ќерките Роуан (20) и Гриер (18) во шоуто „The Jess Cagle Show“ на SiriusFM.

Откако Гриер и Роуан го напуштија гнездото за да одат на колеџ, Шилдс рече дека ја „избегнува“ помислата дека ги нема. „Да, избегнував да размислувам за тоа бидејќи луѓето ќе ми кажат: „Ох, ќе ти биде толку полесно“, а јас едноставно мислам дека тоа нема да се случи“, рече таа.

„Мислам дека тоа нема да се случи. Си помислив: „Па, тие ќе се вратат“, и патем, трошоците за живот во овој град и онака се толку високи што може да ми оди во корист. “ додаде актерката во надеж дека нејзините ќерки често ќе доаѓаат дома.

Инаку, Шилдс не е првата славна личност која признава дека сè уште спие со своите деца. Старлетата Коко Остин, исто така, призна дека нејзината ќерка Шанел сè уште го дели креветот со неа и нејзиниот сопруг, американскиот рапер Ајс-Ти, иако има осум години.

Поранешната девојка на Канје Вест, Џулија Фокс, исто така призна дека нејзиниот тригодишен син Валентино спие со својата мајка во кревет. Сепак, ниту една од нив нема пораснати деца како Шилдс, чиј случај е нешто поневообичаен.

Македонија

Митрески од Кичево: Нема откажување од иднината, гласањето за број 1 е вистинскиот избор

Носителот на Изборната единица 5 на СДСМ и Коалицијата за европска иднина, Јован Митрески, денеска се обрати на граѓански собир во Кичево, каде ги повика Кичевчани да гласаат за број 1, за подобра иднина, за европски вредности и за подобар живот.

„Денеска, кога одбележуваме 121 година од смртта на нашиот херој, нашиот револуционер и борец за самостојна Македонија, великанот Гоце Делчев, можеме да кажеме дека неговата заложба за самостојна, независна, суверена Македонија, но и Македонија која е рамноправен партнер со најголемите демократски европски и светски сили е исполнета. Станавме членка на НАТО, го чекориме патот кон полноправно членство во ЕУ“, рече Митрески.

Тој нагласи дека нашиот идентитет е потврден, нашиот македонски јазик е заштитен и светски признат, рамноправен со јазиците на сите земји членки на Европската унија.

„За тоа се бореше Гоце Делчев, за тоа се бореа и животот го дадоа уште илјадници наши херои од револуционерната борба, но и во втората светска војна. Нема откажување од иднината која овозможува подобар животен стандард на сите граѓани на оваа наша преубава земја. Гласањето за број 1 е вистинскиот избор на претседателските и на парламентарните избори“, нагласи Митрески, се навддува во партиското соопштение.

Свет

Сѐ поблиску е потпишувањето договор за примирје во Газа- Израел не попушта за една работа

Делегација на палестинската милитантна група Хамас денеска беше во Каиро додека египетските државни медиуми објавија „забележителен напредок“ во преговорите за примирје со Израел.

Делегација на палестинската милитантна група Хамас денеска беше во Каиро додека египетските државни медиуми објавија „забележителен напредок“ во преговорите за примирје со Израел, иако израелски официјален претставник ја минимизираше можноста за целосен крај на војната во Газа, објави АП.

Се зголеми притисокот да се постигне договор за ставање крај на речиси седуммесечната војна. Висок официјален претставник на Обединетите нации тврди дека сега има тотален глад во северниот дел на Газа, додека Израел инсистира дека ќе започне офанзива во Рафа, најјужниот град на територијата на границата со Египет, каде што се засолниле повеќе од еден милион Палестинци.

Египетските и американските посредници објавија знаци на компромис во последните денови, но шансите за договор за примирје остануваат комплицирани поради клучното прашање дали Израел ќе прифати крај на војната без да ја постигне својата наведена цел да го уништи Хамас.

Египетскиот државен телевизиски канал Ал-Кахера њуз денеска објави дека е постигнат консензус за многу спорни точки, без да наведе детали. Хамас повика на целосно прекинување на војната и повлекување на сите израелски сили од Газа.

Висок израелски функционер, кој сакал да остане анонимен, ја минимизирал можноста за целосен крај на војната. Тој рече дека Израел е посветен на инвазијата во Рафа и нема да се согласи под никакви околности да ја прекине војната како дел од договорот за ослободување на заложниците.

Предлогот што египетските посредници го ставиле на масата на Хамас поставува процес од три чекори што ќе донесе итен шестнеделен прекин на огнот и делумно ослободување на израелските заложници, а ќе вклучи и некакво израелско повлекување. Почетната фаза би траела 40 дена. Хамас ќе започне со ослободување на заложниците на цивилите во замена за палестинските затвореници кои ги држел Израел.

Гершон Баскин, директор за Блискиот Исток во Организацијата на меѓународните заедници, рече дека Хамас изгледа дека ја прифатил рамката предложена од Египет, која Израел веќе ја прифатил. Тој рече дека ако Израел ги испрати своите главни преговарачи во Каиро, тоа значи дека тоа е многу сериозно.

Конфликтот избувна на 7 октомври, кога Хамас го нападна јужен Израел, киднапирајќи околу 250 луѓе и убивајќи околу 1.200, главно цивили. Израел тврди дека милитантите сè уште држат околу 100 заложници и останките на повеќе од 30 други.

притисни ентер