Рецепти

ПАСТИЦИО

Рецепт на : Марина Милошевска

Потребни состојки: 500 гр. мелено месо, 500 гр.макарони, 3 јајца,100 гр. фета сирење, малку магдонос, малку маслиново масло, 2 главици кромид, 200 мл. томато сос, 1 лажица шеќер, 2 ловорови листа, малку мајчина душичка, 2 коцки говедска супа, 100 мл. црвено вино, 100 гр. путер, 100 гр. брашно, 250 мл. млеко, 100 гр.пармезан, сол и бибер по вкус.

Постапка:

Макароните се варат во вода со малку сол и малку масло, а потоа се цедат.

Во тава со загреано маслиново масло се пропржува сечканиот кромид и се додава една лажица шеќер.

Се додаваат 2 лажици томато сос и се продолжува со пржењето.

Се зачинува со мајчина душичка и се додава меленото месо.

Сите состојки се пропржуваат неколку минути и се додава црвено вино и томато сос.

Потоа се додаваат 2 коцки говедска супа и 2 ловорови листа.

Сите состојки се пропржуваат околу 5 минути.

За тоа време се подготвува бешамел сосот.

Во тава со малку загреано маслиново масло се става путерот да се стопи.

Потоа се додава брашното и се продолжува со мешањето.

Постепено се додава млекото и се продолжува со мешањето.

Се зачинува со сол и бибер по вкус и се додава 100 гр. рендан пармезан и една жолчка.

Од тавата со меленото месо се вадат ловоровите листови и се додава една црпалка од бешамел сосот.

Во стаклен сад се ставаат сварените макарони и врз нив се кршат две јајца и се додава фета сирењето и малку магдонос.

Сите состојки треба добро да се измешаат.

Ододзгора се става меленото месо и се распределува по целата површина.

Одозгора се става бешамел сос и се посипува со рендан пармезан.

Се пече во загреана рерна околу половина час.

Свет

Уапсен е еден од најбараните терористи- ФБИ го барал 20 години, нуделе 250.000 долари за него

Еден од најбараните терористи по кои трагал ФБИ е уапсен во Велс.

Даниел Андреас Сан Диего бил баран за два бомбашки напади во областа Сан Франциско во 2003 година, објави Скај Њуз.

Тој, наводно, бил уапсен на напуштен имот во рурална област.

За него била понудена награда од 250.000 долари за информација што ќе доведе до негово апсење.

Две бомби експлодирале со разлика од околу еден час во кампусот Емеривил на биотехнолошката корпорација во август 2003 година.

Потоа, во септември истата година, бомба, која била закачена со клинци, експлодирала во корпорација за храна во Плезантон.

„Во нашата земја постои правилен и погрешен начин да ги изразите вашите ставови, а свртувањето кон насилство и уништувањето имот не е вистинскиот начин. Апсењето на Даниел Сан Диего по повеќе од 20 години покажува дека без разлика колку долго е потребно, ФБИ ќе ве најде и ќе бара одговорност“, изјави директорот на ФБИ, Кристофер Вреј.

Фудбал

Со нож во Њујорк е нападнат данскиот репрезентативец Бендтнер (ВИДЕО)

Поранешниот напаѓач на Арсенал и Јувентус, Никлас Бендтнер избегна сериозна повреда при обид за напад со нож во Њујорк минатата недела.

Данецот бил во САД со пријателите и бил виден како се шета низ Менхетен, по што на видеото се гледа како човек трча во негова насока со нож во рацете.

Неговиот пријател се здобил со повреди на лицето и ушите и бил лекуван во болницата „Маунт Синај“ во Њујорк, додека Бендтнер подоцна потврдил дека навистина бил тој на видеото. „Да, можам да потврдам дека сум на видеото. Дали можеше да бидам нападнат? Немам коментар за тоа, но можам да потврдам дека сум на видеото“, изјави поранешниот дански репрезентативец.

Полицијата го уапси 26-годишниот напаѓач Џошуа Зинберг само еден ден по инцидентот и го обвини за напад и обид за убиство.

Македонија

Хуманитарната организација „Колевка“ организира акција „Колевка во Скопје“

Српската хуманитарната организација „Колевка“ со настан наречен „Колевка во Скопје“ организираше акција со која на дел од најмладите од српаска заедница во земјава им се донираше спортска опрема и книги.

На настанот се обратија и претседателката на Српскиот културен центар Василка Китановиќ и основачот на хуманитарната организација Колевка Милутин Ружиќ….