Македонија

Палмер: Ако ЕУ не одреди датум за преговори во јуни, ќе има во јули или октомври

Доколку Европската Унија не донесе датум за пристапни преговори во јуни, тоа ќе се случи во јули или октомври, изјави во интервју за Гласот на Америка Метју Палмер, заменик-помошник државен секретар на САД за Европа и Евроазија.

-Знам дека има одредени проблеми поврзани со времето на носење одлука во Бундестагот. Не знам дали фокусот ќе биде да се донесе одлука во јуни или потенцијално во јули, зависно од внатрешните процедури на Бундестагот. Сепак, САД се надеваат и го поддржуваат Европскиот совет да ги отвори пристапните преговори, рече Палмер.

Тој вели дека имплементацијата на Договорот од Преспа е најголемо дипломатско остварување за Западен Балакн по Дејтон, и ќе зависи директно од зачленувањето во ЕУ, пренесува МИА.

-Веруваме дека Владата на Севрна Македонија е посветена да го продолжи напредокот во исполнување на реформите. Кога и ако Европскиот совет се согласи да ги почне преговорите, убедени сме дека дури и тогаш Скопје ќе ги продолжи овие напори, бидејќи самиот пристапен процес ќе обезбеди можност за натамошни реформи, смета Палмер.

Сепак, и покрај значајниот прогрес, тој потенцира дека државата има уште многу работа во спроведување на реформите.

-Главен предизвик не само во Северна Македонија, туку и во целиот регион е владеење на правото. Владеење на правото е мајка на сите реформи, во контекст на европска интеграција и создавање клима за мир, просперитет и стабилност, вели Палмер.

Според него, членството во НАТО нема целосно да го намали руското влијание во регионот, но ќе ја зацврсти отпорноста на државите кон руската агресија.

-Мислам дека веќе долг период Русите покажуваат посветеност во агресивната кампања со дезинформации низ регионот. Се уште има многу агресивни напори и во Црна Гора, иако е НАТО членка, оценува Палмер.

Очекува Сенатот на САД да го ратификува пристапниот Протокол за влез во НАТО во најбрзо можно време.

-Ги охрабрувам луѓето да ја земат предвид големата слика, а тоа е дека процесот за НАТО се движи напред, и тоа многу побрзо од очекуваното, а доколку ЕУ не донесе датум за преговори во јуни, тоа ќе се случи во јули или октомври. Јас цврсто ги охрабрувам политичарите и граѓаните на Северна Македонија, да останат обединети во овој процес, да останат посветени, и да имаат верба дека сите ние сме посветени на интеграцијата на Северна Македонија во ЕУ, изјави Метју Палмер, заменик-помошник државен секретар на САД за Европа и Евроазија./МИА

Македонија

Гордана Сиљановска-Давкова и Стево Пендаровски во „ПРЕТСЕДАТЕЛСКИ ДУЕЛ ЗА МАКЕДОНИЈА“

Дами и господа, утре Канал 5 Телевизија ќе ви го претстави последниот претседателски ПРЕТСЕДАТЕЛСКИ ДУЕЛ ЗА МАКЕДОНИЈА, помеѓу кандидатите Гордана Сиљановска-Давкова на ВМРО-ДПМНЕ и Стево Пендаровски на СДСМ.

Време за промени или за реформи, чекор напред, или статус-кво, што ќе им понуди Пендаровски на гласачите да го задржи тронот, а што Сиљановска да го освои?

Лојален на ветеното или на партијата, каков претседател сакаат граѓаните?

Политички инжињеринг или пародија, се кројат ли договори под маса уште пред да се знаат бројките? Ќе го надомести ли СДСМ пропуштеното во првиот круг? Можен ли е бојкот?

Продолжување на европскиот пат или отворање на Пандорината кутија, што ќе се случува на 9 Мај?

Утре во Само Вистина последното ТВ соочување кај Гоце Михајлоски со Гордана Сиљановска -Давкова и Стево Пендаровски во решавачкиот ПРЕТСЕДАТЕЛСКИ ДУЕЛ ЗА МАКЕДОНИЈА... Веднаш по вестите.

Свет

Директорот на ЦИА итно оди во Доха, делегацијата на Хамас го напушта Каиро

Делегацијата на палестинското милитантно движење Хамас вечерва ќе го напушти Каиро, каде во присуство на посредници од САД, Египет и Катар се одржаа преговори за прекин на огнот и ослободување на заложниците од Газа.

Делегацијата го доставила својот одговор до египетските и катарските посредници и сега се враќа во Доха на дополнителни консултации, соопшти Хамас, пренесува „Тајмс оф Израел“.

Во исто време, неименуван функционер изјави дека директорот на американската Централна разузнавачка агенција (ЦИА), Вилијам Барнс, итно ќе отпатува во Доха на разговори со премиерот на Катар, Мохамед Ал-Тани, додека преговорите за ослободување од заложниците се „на работ на колапс“, според „Тајмс оф Израел“.

Порталот јавува дека ќе разговараат и за привремено примирје.

- Бернс е на пат за Доха на итен состанок со катарскиот премиер, со цел да се изврши максимален притисок врз Израел и Хамас да продолжат со преговорите, рекол изворот.

Шоу биз

Раперот Ар Кели доби уште 20 години затвор

Американскиот суд ја потврди 20-годишната затворска казна за раперот Ар Кели за сексуално злоставување деца, пишува Гардијан.

Ар Кели беше прогласен за виновен по три точки за детска порнографија и три точки за наведување на малолетник за секс.

Поротниците го ослободија по седум од 13 точки од обвинението дури и откако ги прегледаа снимките за злоупотреба. Тој беше ослободен по четвртата точка од обвинението за детска порнографија, по три точки за заговор за примање детска порнографија, по две точки за поттикнување малолетно лице на секс, а поротата одлучи дека не ја попречувал правната постапка што се водела против него во 2008. и за детска порнографија, пренесува Б92.

Инаку,во јуни 2022 година, по повеќе од две децении обвинувања за сексуална злоупотреба и поткуп, Кели беше осудена на 30 години затвор за водење на синџир за проституција и рекетирање.

Девет жени и двајца мажи детално опишале како Кели сексуално ги злоставувала и понижувала.