Направен е во соработка со компанијата Gibellini, а станува збор за камера. Но, не каква било, туку, како што открива изгледот, навистина посебна. Покрај тоа што ќе ве врати во времето со дизајнот, технологијата за производство на фотографии во голем формат обезбедува навистина посебни црно-бели фотографии.
Секако, има и врска со Pagani, па некои делови се направени од истите материјали. Покрај алуминиум и титаниум, користено е и големо количество карбон, па камерата на крајот тежи само 4,7 килограми без статив.
Релативно големата камера доаѓа во специјално куќиште обложено со кожа, што ќе овозможи полесно пренесување на камерата до положбата за фотографирање.
Развојот на камерата GP-810 HP траело цели две години, а сега на пазарот ќе бидат понудени само 75 примероци. Всушност, камерите не излегуваат веднаш во слободна продажба, туку 30 од нив ќе бидат понудени на постојните сопственици на автомобили Pagani. И за нив, со оглед на сумата што ја издвојуваат за автомобилот, цената од околу 110.000 евра нема да биде проблем.
Ако мислите дека ваквите камери се минато, се лажете. И денес има лојални корисници, пред сѐ поради чистотата и тродимензионалниот ефект на црно-белите фотографии. „Обезбедува тродимензионален квалитет на сликата, а опсегот на нијанси е подобар од оној на модерен дигитален сензор, квалитети што го прават овој тип на фотоапарат широко ценет од професионалните фотографи“, соопшти Џибелини.