Со години Семјуел Литл се сомничи дека извршил бројни убиства , но сега признал во полицијата дека има извршено над 90 убиства , потврди и обвинителството од Тексас.
78 – годишниот Литл е осуден во 2014 за убиство на три жени во округот Лос Анџелес , што било докажано со примероците на ДНК најдени на местата на убиствата. Тој скитал од еден на друг крај на земјата во потрага по жени со проблеми , зависници и други ранливи луѓе. Според американските медиуми , тој има исклучително богато криминално минато.
За последните 56 години е осудуван за напади врз жени, упади, вооружени грабежи и поседување дрога. Обвинителството тврди дека Литл е одговорен за најмалку 40 убиства од 1980 година , но нема докази за тоа.
Детективите го поврзуваат со убиства во Флорида, Џорџија, Кентаки, Лујзијана , Мисисипи, Мисури , Охајо и Тексас.