Анкетата покажала дека кризата удрила на над 80% од фирмите. Услужните дејности, транспортот, малопродажбата, преработувачката индустрија, градежништвото.. се меѓу 9те најпогодени сектори. Од нив, досега 43% микро и мали фирми пријавиле пад на приходите за повеќе од половина, додека 11% привремено прекинале со работа.
Претседателот Ангел Димитров за Канал 5 вели дека ако ваквата ситуација продолжи и наредните месеци, дури половина од компаниите нема да преживеат.
„Ако кризата продолжи и јуни, јули и август, значи до септември, тогаш навистина овие компании со право се плашат за нивната судбина, тоес да не дојде до стечај и ликвидација. Тогаш проблемите би биле многу поголеми, затоа јас давам поддршка на овие мерки кои се дадоа последните мерки од КЗБ, бидејќи очигледно дека нашите граѓани не се придржуваат целосно до препораките,“изјави Ангел Димитров, Организација на работодавачи.
Да не дојде до затворање на фирмите и отпуштање работници, работодавачите бараат –дополнителни даночни ослободувања како и тоа финансиската помош која ја дава Владата да продолжи и наредните месеци.
„Нашите компании изјавиле дека се задоволни со тоа што Владата навреме ги презема мерките и со видот и обемот на мерките, но не се задоволни со износот на средствата кои беа издвоени, овде се мисли особено на оние безкаматни кредити и помош за одржување на ликвидноста и бараат продолжување на мерките за уште некој месец, се разбира тие велат 6 месеци, но тоа најмногу зависи кога ќе престанат проблемите со Корона вирусот.“изјави Ангел Димитров, Организација на работодавачи.
Пред извесен период со слични барања излезе и ССК. Од Владата ја оставија отворена можноста за дополнителна помош кон фирмите, но засега нема најава дали и кога тоа би се реализирало.
9 најпогодени сектори:
-услужни дејности -малопродажба -преработувачка индустрија -транспорт -градежништво -производство на прехранбени производи
43% пријавиле пад на приходите половина или повеќе
11% привремено прекинале со работа
70% бараат државната помош да продолжи наредни 6 месеци