Меѓу нив, како што пренесува „Дејли мејл“, се и ќерките на жената која беше егзекутирана со 167 куршуми.
Раиси (63) загина во неделата кога се урна хеликоптерот што го носеше со министерот за надворешни работи Хосеин Амир Абдолахиан и уште седум други лица. Тој ќе биде погребан денеска. Врховниот верски водач Али Хамнеи прогласи петдневна национална жалост, но иранските граѓани кои живеат во странство на социјалните мрежи се пофалија дека го слават и посакуваат „Среќен ден на хеликоптерот“, алудирајќи на несреќата и смртта на претседателот.
Меѓу нив се и ќерките на Иранката Мина Маџиди (62), која беше погубена со 167 куршуми кога безбедносните служби отворија оган врз учесниците на протестот поради смртта на Махса Амини, курдската девојка која почина три дена откако беше претепана од „полицијата на моралот“ затоа што во метро не ја носела задолжителната прекривка за глава.
„Ако не излезам да протестирам, кои ќе бидат последните зборови на една храбра Иранка?
Нејзината ќерка Махса Пиреи на социјалните мрежи објави видео од нејзиното наздравување.
„Денес нашата тага се претвори во среќа, иако тоа не е доволно, тоа е добар почеток“, изјави Махса Пираери.
Втората ќерка Роја Пиреи недалеку од гробот на нејзината мајка се фотографирала со кратка коса, што е знак на жалост и пркос, бидејќи за време на масовните протести во 2022 година, Иранките ширум светот масовно ја потстрижувале косата во знак на поддршка на претепаната курдска девојка.
"Знаев дека нема да можам да зборувам. Ова е сѐ што можам да направам за да покажам колку е суров овој систем", изјави Роја.
Уште две Иранки, Мерседех Шахинкар и Сима Морадбеиги имаа причина за славење. Мерседех беше заслепена од припадниците на безбедносните сили за време на протестот во 2022 година, додека Сима ја загуби работата за време на полициска интервенција.
На TikTok е објавено и видео снимено пред амбасадата на Исламската Република Иран во Копенхаген, на кое се гледаат насобраните Иранци како танцуваат, пијат пиво и веат стари ирански знамиња со лав во центарот.
„Иранците во Копенхаген, Данска, ја слават смртта на Ебрахим Раиси пред амбасадата на тиранскиот режим. Денот на хеликоптерот ќе стане Недела на хеликоптери“, се вели во видеото.
Слично е и пред иранската амбасада во Лондон. Музика свири, луѓето танцуваат на улица и веат стари ирански, британски и израелски знамиња.
Аријана Банди, готвачка која живее во САД, објави видео со наслов Карма, додека иранско-канадската актерка Шива Негар рече: „Збогум касапу од Техеран, нема да ни недостасуваш“.
Сепак, не секој имал причина да биде среќен:
„Раиси е мртов. Тој никогаш нема да одговара за законот што е во сила речиси четири децении и кршењето на човековите права, вклучително и егзекуцијата на илјадници политички затвореници во текот на 80-тите години, кои беа закопани во необележани гробови. Таму нема да има минута молчење за Раиси“, се вели во соопштението на Колективот на иранската дијаспора.