Здравје

Општата болница во Гевгелија доби ЕЕГ апарат

 Гевгелиската Општа болница со помош на македонско – холандското здружение „Changemakers4All" и Здружението „Микродонија" од Холандија доби донација апарат за електроенцефалографија (ЕЕГ).

Апаратот, кој се користи за дијагностицирање на мозочни удари, епилепсија, повреди на главата, главоболки, мозочни тумори и друго, здруженијата го донесоа од Универзитетскиот медицински центар во Гронинген, Холандија.

Апаратот веќе се наоѓа во просториите на болницата, а откако ќе се обезбедат соодветни услови за работа, за неколку месеци се очекува да профункционира.

– ЕЕГ апаратот наскоро ќе биде поставен во посебна проторија на нервното одделение. За негово ставање во функција ќе бидат ангажирани стручни технички лица. Персоналот кој ќе работи со апаратот дополнително ќе се обучува од причини што прв пат во болницата ќе се пружат здравствени услуги за ЕЕГ снимање, информираа од гевгелиската Општа болница.

Пациентите од Гевгелија, Богданци и Дојран за ваков вид медицински услуги досега беа испраќани во болницата во Струмица.

Забава

Фото: Лепа Брена на јахта за Велигден

Големата балканска музичка ѕвезда Лепа Брена на социјалните мрежи откри дека најголемиот христијански празник Велигден ќе го помине на својата јахта вредна 6 милиони евра.

Пејачката отпатувала на луксузна дестинација, а на својот Инстаграм профил објавила и покажала колку уживала.

На фотките Брена позира на палубата од јахтата.

Шоу биз

Видео: Рекорден концерт на Мадона во Рио

Кралицата на попот Мадона постави уште еден рекорд. Легендарната пејачка одржа рекорден бесплатен концерт во Рио де Жанеиро, на кој присуствувале фантастични два милиони луѓе -!

Кралицата на попот Мадона синоќа на плажата Копакабана во Рио де Жанеиро го одржа последниот концерт од својата турнеја „Celebration“, а се проценува дека спектаклот го посетиле меѓу 1,6 и 2,2 милиони луѓе.

Мадона на тој начин го сруши рекордот на Дијана Рос и овој настап сега и официјално е најпосетениот концерт на една изведувачка во историјата.

Ова воедно беше нејзин 81 концерт од мегауспешната турнеја со која ја прослави својата 40-годишна кариера.

Концертот бил бесплатен, а е финансиран од најголемата банка во Латинска Америка како подарок за граѓаните.

Забава

Фото: Бритни Спирс во центар на нов скандал: Покриена со јорган надвор од хотел

Според дел од светските медиуми, контроверзната музичка ѕвезда Бритни Спирс била видена во ноќта помеѓу 1 и 2 мај,  облечена само по долна облека покриена со јорган пред хотел.

Како што наведува „ТМЗ“, пејачката била во хотелот Шато Мармонт со своето момче Пол Солиз.

Во текот на вечерта дошло до конфликт, најверојатно меѓу нив двајца, по што некој од присутните повикал полиција, велејќи дека женско лице, кое наликува на Бритни Спирс, малтретирало луѓе и им се заканувало.

Полицијата пристигнала по 22:30 часот, но не констатирала траги на насилство и си заминала.

Изворот на ТМЗ наведува дека Бритни и Пол отишле во хотелска соба, каде продолжиле да пијат. Набрзо повторно се скарале, по што, според изворот, дошло до физички контакт, при што Бритни си ја повредила ногата.

Бритни потоа истрчала во ходникот, викајќи и врескајќи, а гостите повикале брза помош, која брзо пристигнала и успеала да стапи во контакт со пејачката, пренесува „b92“.

притисни ентер