Свет

Оланд: Макрон треба да го заврши својот мандат за да избегне институционална криза во Франција

Оланд, кој сега е пратеник во францускиот парламент, нагласи дека, без оглед на критиките упатени кон Макрон, тој беше реизбран на изборите пред три години и треба да го доврши мандатот. 

И покрај зголемените повици до францускиот претседател Емануел Макрон да поднесе оставка, тој треба да го заврши својот втор претседателски мандат за да избегне голема институционална криза, изјави поранешниот претседател на Франција, Франсоа Оланд во интервју за „Вест Франс“.

Оланд, кој сега е пратеник во францускиот парламент, нагласи дека, без оглед на критиките упатени кон Макрон, тој беше реизбран на изборите пред три години и треба да го доврши мандатот. Во спротивно, Франција би се соочила со сериозна институционална криза.

Во однос на можните предвремени парламентарни избори, Оланд вели дека не гледа како распуштањето на парламентот по шест месеци би довело до значителни промени во составот на Долниот дом, кој сега е поделен на три блока без апсолутно мнозинство.

Оланд исто така повика на „смирена парламентарна демократија“ и изрази став дека владата на центристот Франсоа Бајру може да опстане до 2027 година, под услов да направи значителни компромиси, особено во однос на пензиите и фискалната правда, за да избегне гласање за недоверба.

Тој изрази желба за обновување на Социјалистичката партија како независен политички субјект, кој ќе биде отворен за социјалдемократи. Оланд повика на одржување партиски конгрес пред летото за утврдување на стратегијата за претседателските избори во 2027 година. /МИА

Македонија

Божиќна честитка од потпретседателот и министер за односи меѓу заедниците Иван Стоилковиќ

Нека Бадниковата вечер и Божиќ внесат топлина во домот, а семејството и ближните нека ги исполнат со добра мисла, добрина и благослов. 

По повод еден од најголемите христијански празници Божиќ - денот кога го прославуваме Христовото раѓање, во мое и во име на Министерството за односи меѓу заедниците упатувам најискрени честитки и желби за добро здравје, мир во срцата и душите, топлина и благосостојба. Овие празнични моменти на сите нека ни донесат добро здравје, радост во домовите и мир и спокој во срцата.

Нека Бадниковата вечер и Божиќ внесат топлина во домот, а семејството и ближните нека ги исполнат со добра мисла, добрина и благослов. Овој голем христијански празник е празник на семејството, празник кој нè учи да бидеме солидарни и сплотени, затоа ви посакувам божиќните празници да ги поминете во добро празнично расположение во кругот на најблиските, исполнети со мир, благосостојба и верба дека само заеднички и со убава мисла можеме да успееме и да се избориме со сите предизвици. Бидете здрави, живи и бериќетни!

Христос се роди! Вистина се роди!

Нека е честит и благословен големиот христијански празник Божиќ.

Со почит,

Односи со јавност

Кабинет на потпретседател на Владата на РМ и министер за односи меѓу заедниците

Рецепти

„Гответе со Дракче“ - Пита со праз

Во понеделник (06.01.2025) во емисијата гостин ни беше Марина Милошевска

Состојки за денешниот рецепт:

1 пакување готови кори

3 страка праз

1 коцка свеж квасец

150 мл. масло

200 мл. минерална вода

Салата од праз

1 страк праз

100 гр. маслинки

малку сол и масло

Погледнете како се подготвува овој рецепт:

Македонија

Најстудено во Берово, најмногу снег на Попова Шапка

Висината на снежната покривка измерена во 7 часот на Попова Шапка изнесува 43 см, а 38 см во Маврови Анови.

Најниска температура од -3 степени утрово во земјава е измерена во Берово, соопшти УХМР. Следат Тетово, Штип и Струмица со -2 , -1 во Скопје-Петровец, Скопје-Зајчев Рид, Крива Паланка, Битола, Демир Капија и во Кавадарци, 0 степени во Куманово и Велес, 1 Лазарополе и Виница, 2 во Охрид, Дебар, Прилеп и Гевгелија, 3 во Претор, Попова Шапка и 4 степени во Маврови Анови и Крушево.

Висината на снежната покривка измерена во 7 часот на Попова Шапка изнесува 43 см, а 38 см во Маврови Анови.

Времето денеска ќе биде променливо облачно, по одделни котлини со појава на магла или ниска облачност. Кон крајот на денот и во текот на ноќта во западните делови ќе има слаби локални врнежи од дожд. Ќе дува слаб до умерен ветер од јужен правец. Максималната температура ќе достигне од 6 до 13 степени.

Во Скопје променливо облачно со појава на магла. Максималната температура ќе достигне до 6 степени.

притисни ентер