Таа шлаканица, „целосно неприфатлива“, „е намерно насилство“, рече портпаролот на Министерството.
Тарел е обвинет за напад на јавен службеник, за што може да добие максимум три години затвор и парична казна од 45.000 евра.
Нападот врз Макрон ја шокираше Франција и беше осуден од сите политички партии. Макрон рече дека станува збор за изолиран инцидент и дека насилството и омразата се закана за демократијата.
Тарел призна дека му удрил шлаканица на Макрон, но рече дека не го планирал тоа однапред.
Невработениот 28-годишник за време на испрашувањето рекол дека е близок со антивладините Жолти елеци, протестно движење што го потресе претседателството на Макрон и дека има ултра-десничарски политички убедувања.
Макрон беше во посета на Дром за да ја види „земјата како дише“ по пандемијата, помалку од една година пред следните претседателски избори.
Познаниците на Тарел рекоа дека тој не бил проблематичен.
Обвинителот соопшти дека тој не бил член на ниту една политичка или милитантна група.
"Тарел беше уапсен заедно со уште еден човек од неговиот роден град Сен-Валие. Полицијата пронајде оружје, копија од книгата на Хитлер„ Мајн Кампф "и црвено знаме - меѓународен симбол на комунистичкото движење, во станот на друг човек", кажа обвинителот Алекс Перин.
Другиот маж ќе биде обвинет за нелегално поседување оружје.